Dugos ni Eva

(Gula 198)

Naglagot ko sa gisulti ni Paul. Lipay sa iyang kagaral? Kun dili pa lang tungod kay nahadlok ko sa iyang bahad nga ibulgar ngadto ni Mr. Prax Vidoya ang relasyon namo ni Carlo, dili gayod mahitabo nga makatilaw siya sa kalami sa akong pagka babaye. Wala gyud ko mahimuot sa iyang gibuhat kanako.

“Sobra na ang pagpahimulos mo sa higayon, Paul,” giingnan ko siya. “Dili na kini makiangayon. Usa na ka matang sa pagpangabuso ang imong gibuhat nako.”

“Nan, unsa man ang gusto mong mahitabo?” Gipangutana ko niya.

“Gusto kong dili ka na magsamok nako.”

“Karon na hinuon nga makadaghan na nako maangkon ang imong pagka babaye? Gikasubo ko, Eva. Samtang mopabor pa kanako ang kahigayonan, magpadayon ta sa atong gihimo. Kun magdumili ka, nasayod ka na kun unsay akong buhaton.”

Wala na ko motubay sa pagpakigsulti kang Paul. Akong nasuta nga wala siya madutli sa akong hangyo. Migawas na lang ko sa iyang lawak nga huyhoy ang mga abaga. Mibalik ko sa akong kuwarto sa servant’s quarter aron makapahulay na.

Nagpadayon gayod si Paul sa pagpahimulos sa akong pagka babaye. Matag gabii, moadto ko sa iyang lawak sa garahe. Didto pahimuslan ko niya’g maayo. Makapila na ko maglaraw nga ibutyag ang iyang gibuhat nako ngadto kang Nang Badang o ba kaha sa among agalon. Apan dili nako ihinayon ang akong nahunahunaan gumikan sa kabalaka nga tingalig mas mograbe ang komplikasyon kun buhaton ko kini. Maong nagpadayon si Paul sa paghimo nakong pahungawanan sa iyang biga.

Usa ka adlaw niana, nakigsulti nako si Nang Badang.

“Mobakasyon ko sa among probinsiya sa Negros,” matud ni Nang Badang. “Mga usa ka semana ko didto. Ikaw unay bahala dinhi, ha.”

Nabalaka ko sa hilom. Nagtuo ko nga kun wala na si Nang Badang, mosamot ang kaabusado ni Paul diri kanako. – Sumpayan pa