Buta ang gugma
Gula 42
Nakugang si Annabelle sa akong gisugilon kaniya. Ingon sa dili siya makatuo nga gitugyan ko na ang akong pagka babaye ngadto kang Julius.
“Ikaw ray akong gisultihan niini, Ann,” matud ko. “Nasayod kong makasabot ka nako, sa akong gibuhat.”
“Nakasabot ko nimo, Jomelle,” matud ni Annabelle. “Mipasalig man kaha si Julius nga mangasawa siya nimo.”
“Mao kanay iyang gisaad nako. Mag-agad lang ko sa iyang desisyon.”
“Ayaw ikaguol ang nahitabo nimo. Katungod natong tanan ang pagtagamtam sa kalipay. Nahigugma ka man kaha kang Julius? Kun gihigugma mo siya, angay mong ikalipay ang nahitabo ninyo. Kana ang importante, Jomelle.”
Human sa panagsulti namo ni Annabelle, mipauli ko sa akong gipuy-an. Gientirong
“Maayo kay nia ka na, Sister Jomelle?” Matud sa pastor nga mitagbo nako. “Didto ko sa inyong eskuylahan. Pero wa ka man didto. Nangutana ko ni Ivy pero wa sab siya masayod kun hain ka. Di man sab makontak ang imong cellphone.”
“Nag-low bat ko, Pastor Fuentes,” mubo kong tubag.
“Diay ba? Diin ka man diay gikan?”
“May importante kong giasikaso.”
Nakamatikod kong mitutok si Pastor Bal Fuentes nako.
“Unsay imong tuyo nako, Pastor?” Gipangutana ko siya.
“Gusto kong makigsulti nimo,” laktod niyang tubag. “Bahin kang Julius Dabaw.”
“Ngano man diay ang bahin kaniya, Pastor?”
“Nakamatikod ko nga may espesyal kamong pagtinagdanay. Unsa bay real score tali ninyong duha, Sister Jomelle?”
Wala ko makatingog. Daw natab-okan ko sa pangutana sa pastor. -- Sumpayan pa
- Latest
- Trending
