Dugos ni Eva

(Gula 121)

Sanglit naglikay ko aron dili makadungog sa kanunay’ng panaglalis sa akong mga ginikanan, dili ko mopauli sa Mabini inigka-weekend. Mao usab si Rodney. Sulod sa usa ka bulan, kausa ra kami mopauli sa Mabini aron pagkuha sa among allowance ug ubang panginahanglan. Sa boarding house ni Rodney kami maglublob sa adlaw’ng Sabado ug Domingo. Tagbawon namo ang among kaugalingon sa panaghilawas.

Relax ug enjoy kanunay kami si Rodney. May mga higayon nga human sa among panaghilawas, magkasabot mi nga manan-aw og sine. Pag-uli namo gikan sa sinehan, modiretso mi sa iyang boarding house ug mo-score pag-usab. Nalingaw kaayo ko sa maong set-up. Inigka Lunes sa buntag na ko mobalik sa akong boarding house.

May mga higayon sab nga kun dili gyud mi makalugar si Rodney tungod sa daghang angay atimanon sa tulonghaan, mag-short time mi sulod sa usa ka motel. Tulo ka oras ang short time ug sa maong gidugayon, makarebansin na kami si Rodney og katulo. Mao nga dili gyud ko uhaw sa lawasnong kalipay.

Sa kadugayan, nakabaton kog problema sa pag-short time namo ni Rodney. May curfew man god sa alas diyes sa gabii sa akong boarding house. Sagad dili ko makauli og alas diyes kun mag-short time kami si Rodney. Tungod niini, nakadawat kog warning gikan sa akong landlady. Papahawaon ko niya sa boarding house kun kanunay kong mahiuli sa lawom nang gabii. Mao nga nahunong ang short time namo ni Rodney magabii.

Pero wala matapos ang malipayon namong mga adlaw. Nagpadayon ang among kalihokang seksuwal sulod sa akong boarding house ug ingon man sa gipuy-an ni Rodney.

Usa niana ka weekend, mipauli ko sa Mabini kay nahutdan na ko sa allowance ug may libro pa usab kong palitonon. Sa akong pag-abot, misugat kanako ang daotan nga balita. Napatay sa akong amahan ang amahan ni Rodney! – Sumpayan pa