Gugmang napukling

Bag-ong nahuman og ligo si Teddie unya sa wala paglangan nisaka dayon siya sa ilang taas sa ilang balay aron mag-ilis sa iyang bag-ong sinina nga gipalit ug pagkahuman niya og ilis ni atubang dayon si Teddie sa samin ug iyang gikuha ang iyang sudlay nga diha sa luyong bahin sa iyang bulsa.

Wala nakamatikod si Teddie nga naa diay ang iyang igsuong babaye nga nagsud-ong niya," Ah!! gwapohang manoy ah!! tap man kaayo ang hinapay unya insert gyud kaayo."

"Ikaw diay na day ganiha raka diha." pangutana ni Teddie ngadto sa iyang igsuong babaye, kinsa nagkatawa nga nagsud-ong niya."

"Asa diay ka noy Teddie nga espoting man kaayo ka?" pangutana sa iyang manghod   ngadto ni Teddie."

"Ah!! laag-laag gud day ulitawo man," mubo nga tubag ni Teddie  ngadto sa iyang manghod. Ug karon nahuman na gyud og ilis si Teddie gikuha dayon niya ang yawe sa iyang motor ug wala siya naglangan og panahon iya dayong gipadagan ang iyang motor ug walay kalibutan ang iyang igsuong babaye. Padung diay si Teddie sa usa ka babaye  nga tindera og karenderya nga dili kaayo halayo sa ilang gipuy-an sa ilang barangay Banawa.

Ug karon miabot na gyud si Teddie sa maong karenderya diin didto nagtrabaho ang gipormahan niini nga dalaga nga gihinganlan og Tessie. Wala maglangan si Teddie misulod dayon kini sa  maong karenderya ug timing kaayo sa dihang nakasulod na siya sa maong karenderya na aktohan gyud ni Teddie nga diha si Tessie nga nagtrapo sa lamesa. Nakapanlad-ok si Teddie sa iyang laway sa dihang nakita niya ang sampot ni Tessie ug ang paa niini nga hilabihang hamisa. Wala nakaagwanta si Teddie giduol niya si Tessie.

"Hi!! Tess maayong udto diha," pangayo og katahuran ni Teddie ngadto sa dalaga.

"Uy, Ted ikaw man gud diay na nasuroy man," pung pa sa dalaga nga si Tessie ngadto ni Teddie."

Oh!! misuroy ko Tess ug kini akong pagsuroy-suroy karon dinhi may kalabutan kini sa akong dakong tuyo  diha nimo. Ang tinuod, Tess, sa una palang natong panagkita nakat-on dayon kog paghigugma kanimo! pangamoral ngadto sa dalaga.

"Ngano ka diha Ted mangalit man lang ka dili palang gani ta dugay nagkaila, pagchur diha uy," tubag ni Tessie ngadto ni Teddie nga nagpasiplat sa ilang estrikta nga amo!

"Ug kay ngano man diay Tess nga bag-o pa tang nagkaila dili diay puyde nga ibutyag ko ang akong gugma diha nimo?" tubag sab ni Teddie ngadto sa dalaga.

"Dili puyde Ted kay naa pako sa trabaho ug kung gusto ka adto lang sa balay adto ta didto magtiwas og estorya." pung pa sa dalaga ngadto ni Teddie.

Labihang lipaya ni Teddie sa pagtuo nga sugton na siya ni Tessie. Wala pakyasa ni Teddie ang gisulti ni Tessie nga paadtuon lang siya sa balay niini ug karon sa dihang miabot na si Teddie sa balay nilang Tessie, kalitlang nakurat sa dihang may Pajero nga naka parada atubangan gyud sa balay nilang Tessie. Ug nagbarog si Teddie sa gawas sa balay miagi si Robert nga kauban rasab ni Teddie sa trabaho nga silingan nilang Tessie!

"Bay!! Ted ka espoting gud nimo naa pay hinapay nga pilit kaayo!!” Komedya nga pangutana ni Robert ngadto ni Teddie." "Naa lagi ko bay Bert kay namisita kung Tessie,' tubag ni Teddie ngadto ni Robert. "Mamisita ka ni Tessie bay Ted ayaw nalang patuga-tuga Bay nakakita ka nianang Pajero nga naa sa ilang atubangan nagparking Bay anak sa iyang amo nga mangasawa niya." Sa gisulti ni Robert ngadto ni Teddie daw nidat-og ni Teddie ang kalibutan ug kalit lang siyang natulala ug igo lang siyang nipaagas sa iyang mga luha.

Ug sukad adtong hitaboa wala nay gana si Teddie sa mga babaye ug karon nag-alagad nalang siya sa Ginoo ug nagpukos nalang siya sa iyang trabaho nga nagpabilin gihapon karon nga ulitawo si Teddie tungod sa kapakyasan sa iyang gugma iya nalang gihalad ang kaugalingon ngadto sa makagagahom nagsilbi si Teddie sa simbahan isip usa ka choir. – Kataposan