May utlanan ang kangitngit

Gula 53

Tungod kay duol ra gayod kaayo nako si Dr. Suave, nasingo ko ang iyang male scent nga ingon sa nanuhotsuhot sa akong kahiladman. Ang iyang kahumot ingon sa mipukaw sa akong biga nga nahikatulog na sulod sa dugay’ng panahon.

“How is the temperature of the child?” sukit ni Dr. Suave.

Ambot kun unsang matanga sa espiritu ang kalit lang misulod sa akong lawas kay kalit man lang kong mitubag sa pag-ingon, “She’s hot like me.” Unya mitukiki kog katawa, kanang talidhay nga daw nagdalag come here.

Mikatawa sab si Dr. Suave. Mitutok siya nako. Gikan sa akong nawong, ang iyang tinan-awan midailos ug miungot sa akong dughan. Feeling ko, naibog siyang nagtan-aw sa bus-ok nakong dughan nga bisan tulo na ka lalaki ang nakatilaw apan kun tan-awon ingon sa wala pa gihapon maunsaay sa panahon.

“Komedyante ka man sab diay,” matud ni Dr. Suave. “Naibog ra ba ko nimo. Basin akong patolan kanang imong kainit.”

“Why don’t you try?” Giingnan ko siya.

Komedya nga dalang tinuod ang akong gisulti. Mitutok na usab siya nako. Morag iyang gibasa ang akong hunahuna aron pagsuta kun seryoso ba ko sa akong gisulti. Unya milingi-lingi siya. Human masuta nga walay laing tawo nga nagtan-aw namo, gipaduol niya ang iyang baba sa akong dalunggan.

“Huwata ko unya sa CR sa may parking lot ning hospital,” gihunghong niya ang iyang gisulti. “Mga 8PM.”

Dayon mibiya siya sa akong nahimutangan and he stared me in a provocative way. Dihang nawala na siya sa akong panan-aw, kalit lang kong gikulbaan. Unsay akong buhaton? Karon pa lang, napaghilantawan nga ang giluwatan kong komedya kaganina mahimo na gayong tinuod. Kasagaran ra ba, ang tinuod sa komedya lang magsugod.

Sa laing bahin, misantop sab sa akong hunahuna nga mao na tingali kini ang tukmang panahon. Anyway it’s just a one night stand ug dili na man sab ko virgin so it’s not a big deal kun makig-sex ko sa lalaki nga dugay na nakong gipantasyahan. -- Sumpayan pa