Ang pagkuyog nako kang Jimbo ngadto sa usa ka pribadong dapit nagpasabot nga andam ako bisan unsay iyang buhaton nako. Maong wala ko makatutol dihang giangkon niya ang akong pagka babaye. Mora kog buotang karnero nga nagpaihaw sa dakong kasayon. Wala gayod mopalag. Nagpatara lang ko sa akong kaugalingon.
Hinuon, gibati ko ang kalalim sa gihimo ni Jimbo kanako. Kun unsa kanindot ang iyang performance sa una namong engkuwentro, mas labaw ang iyang performance sa ikaduha namong panagbagat. Morag mabugto ang akong gininhawa sa kalalim sa iyang gihimo. Daw dihay bahin sa kahiladman sa akong pagka babaye nga siya lang ang nakatugkad ug nakadiskobre. Sa natad sa sex, adventurous kaayo si Jimbo. Sa iyang kahanas, wala gayod tingali babayeng magmahay kun mahulog sa iyang mga kamot.
"Nagpasalamat ko nga wala ko nimo balibari," nagkanayon si Jimbo pagkahuman sa una namong lovemaking session. "Salamat gyod kaayo."
"Mikuyog ko nimo tungod sa daghang balidong katarongan," giingnan ko siya. "Gawas pa, ikaw ra sab ang lalaki nga nakahatag nakog hingpit nga katagbawan sa sex."
"Human instinct ang akong gigamit. Gidiskobre nako ang imong G spot mao nga mokaging ka sa higayon nga maghilawas ta."
"Unsa man kanang G Spot?"
"Ah, siyaro. Estudyante ka sa nursing unya wala ka masayod kun unsa kanang G Spot? Grabeha! Lupig diay ka nako?"
"Tinuod nga wala ko masayod kun unsa kana. Lain ang among leksiyon sa eskuylahan. Wala mi magtuki bahin nianang imong giingon."
"Mao ba? Aw, sige ... tug-anan ko ikaw kun unsa ang G Spot. Ang nakadiskobre niana mao si German doctor Ernst Grafenberg. Gitawag kana og Grafenberg Spot o G Spot agig pasidungog kang Grafenberg. Ang duha ka sexual investigators nga sila si Dr. John Perry ug Dr. Beverly Whipple mitawag niini og Point G o Female Spot. Pero mas naila gayod kini sa ngalan nga G Spot."
"Suhetoha diay nimo, no?"
"Nag-research ko bahin niini." – Sumpayan pa