May utlanan ang kangitngit

(Gula 16)

Samtang nag-akob ang among mga ngabil, gipanangtang ni Reuben ang mga salimbong sa akong lawas. Gipasagdan ko si Reuben sa iyang gibuhat. Nakahukom na ko nga puslan man nga gipig-otan sa akong mga ginikanan ang among gugma, itugyan ko na lang kang Reuben ang akong pagka babaye aron pagmatuod kaniya nga gihigugma ko siya. Niining higayona, dili na importante alang nako kun magkadayon ba kami si Reuben. Ang mahinungdanon mao nga gitahan ko ang akong kaputli ngadto sa lalaki nga akong gihigugma sa tinud-anay. Namahala na lang ko.

Pagkilab sa mga daklit, pareho na kami si Reuben nga wala nay salimbong ang mga lawas. Gihinay ko niyag pahigda sa ibabaw sa mahunolhunol nga kama. Mipahimutang dayon siya sa ibabaw sa hubo kong lawas ug naghangos nga miukob pag-usab sa akong mga ngabil. Gikaligoan ko niyag halok gikan sa akong ngabil, sa punoan sa dalunggan, sa liog, sa dughan, sa pusod, ug sa...! Milit-ad ko sa kalalim. Mikawan ang akong sampot gikan sa kama nga akong gihigdaan.

Nanginit na ko pag-ayo. Ang lawas sab ni Reuben daw gihilantan. Nabatyagan ko ang dagaang sa iyang kainit. Gipiyong ko ang akong mga mata samtang gipahit ko ang akong wait nga nagpamatyag sa kalalim sa foreplay nga gihimo ni Reuben. Migahom na sa akong hunahuna ang thrill of sex. Gusto ko nang apurahon si Reuben aron angkonon na niya sa hingpit ang akong pagka babaye.

Si Reuben ingon sa nakasabot nga mikuyanap na sa akong kinatibuk-an ang kahinam. Nabatyagan ko nga iya nang gition ang iyang pagka lalaki sa bukana sa akong pagka babaye. Giwahing kog maayo ang akong duha ka paa aron dili siya maglisod.

“I love you, Kaycee,” maguwang sa hagawhaw ang tingog ni Reuben.

“I love you too, Reuben,” tubag ko.

Sa usa ka pitik sa gutling, mihiyod ang lawas ni Reuben. Milihok ang iyang sampot ug nabatyagan ko nga daw may gapnod nga giduot paingon sa sulod sa akong lapsanan. Morag milagaak ang akong bilahan.

“Agay! Milighot sa akong baba ang maong pulong. – Sumpayan pa