May utlanan ang kangitngit
Wala na lang nako hatagig daotang kahulogan ang kanunay nga pagtutok ni Reuben kanako. Wala man sab ko makamatikod nga lustful ang iyang tinan-awan nako. Mipadayon kog kaon kay lamian ang mga pagkaon nga gi-order ni Reuben.
Apan nagsige gyud og tutok si Reuben nako samtang nagpadayon mi sa pagpangaon. Daw miukob pag-ayo ang iyang tinan-awan kanako.
“Mahimo bang dili ko nimo tutokan?” Giingnan ko siya. “Basin mahilis ko sa imong tinan-awan.”
“Pasagdi lang god ko,” niya pa. “Dili man god ko pul-an nga magsud-ong sa imong kaguwapa. Unique ang imong beauty.”
“
“Tinuod bitaw. Matahom ka, Kaycee. Mora kag si Paris Hilton.”
“Salamat sa komplimento.”
“You’re welcome.”
Gitibawas namo ang pagpangaon.
“Dili kaha masuko ang imong boyfriend kun makita ka niya nga nakig-uban nako?” Gipangutana ko ni Reuben.
“Wala pa koy boyfriend,” laktod kong tubag.
“Dili ko motuo. Sa imong kaguwapa lisod kaayong tuohan nga walay nanguyab nimo.”
“Dunay gustong manguyab. Pero wala sila makahuygo kay akong gilikayan. Dili ko gustong masamok ang akong kinabuhi. Nakaseguro kong masuko sila si Papa ug Mama kun masayran nila nga nagbaton na ako og hinigugma.”
“That’s unfair sa imong bahin, Kaycee. Sobra ra man kahigpit ang imong mga ginikanan. Mora man og wala sila makaagi og kabatan-on.”
Wala ko motingog. Miduko ko. Unya naigking ko dihang gikawhat ni Reuben ang tuo kong kamot ug gigunitan kini. Mitutok na usab siya kanako.
“A-ang akong kamot, Reuben,” nako pa. “B-buhii palihog. Please...”
“I love you, Kaycee,” patuwabhaw ni Reuben.
Nakugang ko sa akong nadungog. -- Sumpayan pa
- Latest
- Trending
