Ang partial ug unofficial tally sa online votes alang sa FHM 100 Sexiest nagpakita nga nag-una si Angel, gisundan ni Ehra Madrigal ug Angelica Panganiban.
Niadtong 2005, human siya mipadaylang sa cover ug mga pahina sa FHM makatulo ka higayon- October 2003, March 2005, ug October 2005, si Angel maoy nag-angkon sa labing taas nga pwesto duha ka tuig na ang milabay.
Si Ehra, milugwa sa September 2006 cover, ug sukad niadto wala na malimti ang iyang sexy nga lawas lakip na ang iyang maanyag nga dagway, hinungdan nga nag-sunod-sunod usab ang maayo niyang projects. Bug-at ang role ni Ehra sa Lupin karon sa GMA-7.
Samtang si Angelica kinsa unang mihubo pinaagi sa pelikulang "Santa Santita" pormal nga milugwa sa cover sa FHM niadtong Marso niining tuiga.
Ang ubang mga artista nga nasulod sa unofficial TOP 10 mao sila Katrina Halili, Anne Curtis, Jennylyn Mercado, Bianca King, Diana Zubiri, EB Babe Lian, ug Iwa Moto. Ang pormal nga resulta pormal nga mahibaw-an sa umaabot nga mga adlaw, alang sa victory party unya sa FHM alang sa ilang anniversary karong July.