So, duhay imbitasyon nga nadawat nako, para sa nagkalain-laing functions, pero kinahanglang usa ra gyo''y tambongan, aron dili maagnas ang aging gay, kay ga-shootinig shooting pa baya ko''g mga TV commercials as scriptwriter or as talent coordinator, unsaon ana?
Ang gipili nako nga tambongan atong day na (or night) mao ang invite ni Lyndon Angan para sa Grand Launching sa "Dance On Fire" pagka gabii sa April 19 nga didto himoa sa Treatro-Casino sa Waterfront Hotel, Lahug ug wa jud ko magmahay nga maoy akong gipili, kay gawas nga gikahibalag nako nga mga tawo nga tinuod gyong tawo ug dili tupperware (dili plastic), hugyaw as in hugyaw gyod kaayo ug very very spectacular, world-class ang show, di gyod matata. Tingalig ang lifestyle ug entertainment columnists sa The Freeman mao na la''y mohatag sa mga dugang kasayuran bahin ani sama nilang Flor Ynclino, Joe Recio, Natnat Tomada ug uban pa. Basta nalipay kong maoy akong gipili nga tambongan kay duna say mga friends nako nga dugay dugay na sad nakong wa makita and one example mao si Ian Mclean nga usa ka American national documentary producer-director cum cameraman nga nalipay sad nga nagkita mi''g usab. Siya''y nag-produce nianang makita natonga gihimong bridge sa mga programa sa Channel 47 diin ang nag-perform sa kantang hinimo ni Freddie Madarang way lain kon dili si Jun Polistico.