Sandara, makalolooy, bug-at ang responsibilidad

Tungod kay siya maoy sikat, si maoy nagbansiwag karon sa mga mantalaan. Siya walay lain kundili si Sandara Park, kinsa nahisgutan og balik human nasikop ang iyang amahan si Iksu Park niadtong milabay nga adlaw tungod sa kasong estafa.

Tsika ni Manay Cristy Fermin, beteranang kolumnista sa PangMasa, si Iksu Park maoy hinungdan nganong nagkalisod og maayo si Sandara, ug maoy mibarug isip padre de pamilya, sanglit gibiyaan sila niini sa taas taas na nga higayon. Katapusang nakita ni Sandara ang iyang amahan, lima ka buwan na ang milabay dihang duna siyay show sa Davao.

"Nakatalikod ang lalaki nang mapatingin si Sandara sa kinaroroonan nito, bumulong si Sandy sa kanyang katabi, "Hindi ako puwedeng magkamali, papa ko yun," sabi ng young actress.May isang Koreanong lumapit sa kanila, kinausap ito ni Sandy, tungkol sa kanyang ama ang kanilang pinag-usapan. Nandun na naman ang kanyang ama para mag-casino, dun na ito bumagsak at dumapa sa lupa, pero hanggang ngayon ay lulong pa rin ito sa sugal, asoy pa ni Manay Cristy.

Matag higayon nga mahinumdoman ni Sandara ang pagbiya sa iyang amahan nila, dili malikayan nga mohilak siya, dili lalim ang gibuhat niini ngadto sa ilang pamilya, ni Manay Cristy pa.

Matud ni Manay Cristy, dili lamang sugal ang bisyo sa amahan ni Sandara, himababaye pa kini. Pipila ka tuig na ang milabay, usa ka batan-ong babaye ang miduso og reklamo sa NBI Caloocan, batok ni Iksu Park.

"Ang reklamo ng babae ay tatlo hanggang limang araw bago umuwi si Iksu Park kapag umaalis ito, walang pakialam ang ama ni Sandara kung buhay pa ang babae at ang kanilang mga anak, kapag natatalo sa casino ang ama ni Sandy ay binubugbog pa nito ang babae," ni Manay Cristy pa.

Dihang subli nga nagwala ug namun-og ang Koreano, gireport na kini sa batan-ong babaye ngadto sa NBI. Apan walay nahitabo, balik-balik na lang matud pa ang pagpangulata ni Iksu Park, hinungdan nga mipauli ang babaye sa ilang probinsya dala ang ilang tulo ka mga anak, nga matud pa maanyag ug ambongan.

Kayod murag kabaw

Suma pa ni Manay Cristy, kini ang rason nganong mikayod og maayo si Sandara karon, siya maoy miabaga sa responsibilidad nga gibiyaan sa iyang amahan, siya maoy bugtong gisaligan sa iyang pamilya. Laraw kaniadto sa iyang inahan nga mobalik na lamang sila sa Korea, apan mibalibad ang young star tungod kay mas labaw pa sila nga maglisud didto, wala silay madawdaw sa Korea.

"Walang trabaho ngayon ang ina ni Sandara, siya lang ang bumubuhay dito at sa kanyang mga kapatid na pareho pang nag-aaral, kung kailan naman mahigpit ang kanyang pangangailangan ay saka pa wala siyang regular na programa sa Dos para mapagkunan ng panggastos nila sa araw-araw," nagkanayon si Manay Cristy.

Maayo na lang matud pa kay inilog gihapon si Sandara sa mga provincial shows, siya gihapon ang gipangita sa mga promoters bisan pa og daghan na ang mga bag-ong sulbong karon diha sa nataran sa Star Magic.

Karon nga nadakpan ug nabilanggo na ang iyang amahan, pangutana sa kadaghanan kun pyansahan ba ni Sandara si Iksu Park? Apan matud ni Manay Cristy, bisan wala pa niya mahinabi si Sandara, nasayod siya unsay naglabi sa huna-huna niini karon- unahon niya ang panginahanglanon sa iyang pamilya, total dili man makatarunganon ang rason nganong napriso kini.

"Sa pinakamahabang panahon ay puro hirap na ang dinanas nilang mag-iina sa kapabayaan ni Iksu Park, uuwi lang ito para magbihis, pagkatapos ay aalis na naman ito para ipagpatuloy ang kanyang kasagupaan sa casino.

Matibay pa nga si Sandara kung tutuusin, sa mga panahong ine-enjoy ng mga kabataang artistang tulad niya ang kinikita ng mga ito, siya naman ay mabigat na krus na ang pinapasan ngayon sa napakabata pa niyang edad," nagkanayon si Manay Cristy.

Daghan matud pa og buot paliton si Sandara alang sa iyang kaugalingon, apan wala niya matuman tungod sa iyang pamilya. Usahay mokalit na lang og hilak si Sandara, dili motingog, hinungdan nga napasanginlang suplada. "Ang hindi alam ng marami, sa mga pagkakataong yun ay problemado siya, wala silang pambayad sa kuryente at sa upa sa condominium unit na tinitirhan nila.

Hindi simple ang pinagdadaanang buhay ngayon ni Sandara, napakaaga niyang namulat sa responsibilidad na dapat ay ang kanyang ama ang gumaganap, pero nasaan ito?" pagtapos ni Manay Cristy.