Pagtungas sa bungtod sa kalampusan

Unang nag-uban sa high school, naila sa tunghaan tungod kay kanunay sila nga mopasundayag kon dunay mga aktibidad. Sila ang Kurly ''n Topps, kansang paghinagalaay naumol diha sa upat ka suok sa Philippine Christian Gospel School. Human sa pipila ka tuig, midesisyon sila nga pormal na nga manimpad sa nagkalapad ug nagkadako na nga wanang sa Bisrock community sa Sugbu. Ug natawo ang ilang grupo.

Usa sa mga bag-o nga mituyhakaw, ang Kurly ''n Topps gilangkuban nila ni Christian Davio, 22- anyos ug Nursing student (lead guitar), Alessander Galan, 22- anyos ug Fine Arts student ( drummer ), Brian Lebumfacil, 22- anyos, ug gradwado sa kursong BS-Biology ( vocals) ug si Frederick Iway, 22 -anyos ug nakatapos na sa kursong BS-IT ( bass guitar) .

Human sa ilang gig atol sa ilang high school reunion, misunod ang mga imbistasyon alang sa nakadaiyang kalihukan ug panagtigom. Matud pa nila, wala silay balibad tungod kay ang matag imbitasyon, oportunidad aron mapalambo pa ang ilang potensyal isip banda ug sa samang higayon aron makahibalag og mga bag-ong higala.

"Dugay naman gyud mi nga kaila, high school pa mi magtukaran na gyud mi pero dili ingon karon nga mo focused na, pero dili sad totally nga mo focused kay duha pa man sab gyud mi nga nagtungha karon, pero we adjust man sa amo time if ever naa mi tukar," paambit pa ni Christian.

Samtang si Brian maoy mipasabot sa ngalan sa ilang banda.

"Ang Curly Tops gyud ang amo gikuhaan og base sa ngalan sa among banda kay nindot man gayud paminawon ug dali ra sad malitok sa mga tawo, unya since English ra kaayo na amo siya gibisaya og ngalan mura ba og binisdak nga pagkapangalan tungod kay gusto namo nga mahibaw ang katawhan nga proud mi sa among pagkabisaya," niya pa.

Alternative music ang tirada sa grupo, apan Bisaya. Pagkakaron duna na silay 11 ka orihinal nga kanta, lakip na niini ang inanay na nga gihangop nga "Pinalabi" nga gipatukar na sa 93.1 SmashFM. Ang maong kanta matud pa kalabot sa usa ka lalake nga nagmahay human mitalikod kaniya ang babaye nga iyang gimahal, nga wala gani motug-an sa tinuod nga hinungdan.

Lain nilang kanta nga nakadagit na usab sa pagtagad sa mga suki sa Smash FM mao ang " Mahigugmaon," kansang markado nga linya nagkanayon: "Sakit, sakit sa dughan, okey lang kay para imo man, buhaton ko ang tanan bisag unsa agwanta lang." Si Brian ang nagsuwat niini, pahinungod usab ni Frederick.

Dili ikahibong nganong giganahan ang mga tigpaminaw sa "Mahigugmaon" sanglit nagsaysay kini sa paningkamot sa mga batan-on nga mulungtad ang ilang relasyon tali sa ilang minahal, taliwala sa daghang tentasyon karon.

"Para gyud na ni Fred ang kanta kay sa amo upat siya man gyud ang sige og mabiyaan sa iyang mga uyab sige lang na og sakit iyang dughan," komedya nila ni Christian, Brian ug Alessander.

Walay puas ang ilang pagbansay-bansay aron kanunay sila nga andam kun ugaling dunay gig. Samtang gipaambitan nila nga ang mga bandang Big, Goo Goo Dolls ug Smashing Pumpkins, maoy ilang idolo ingon man ang Urbandub nga dugay na kaayo nga naila dinhi sa Sugbu.

Sayud ang Kurly ''n Topps nga taas pa kaayo ang dalan nga ilang subayon una pa sila muabot sa tumoy sa kalampusan. Apan nasayud usab sila nga dinuyugan sa determinasyon, sakripisyo ug hugot nga pagsalig sa Ginoo, mahiabot ra sila sa ilang padulngan sa tukmang panahon.

Alang sa imbitasyon pakig-alayon ni Alessander Galan sa 09177481320. Geneva perteng tayminga Ni Ryan Mark

Si Geneva Cruz maoy mokanta sa national anthem, atol sa away nila ni Manny Pacquiao ug Jorge Solis sa Texas, USA karong Domingo. Suma pa ni Shirley Kuan ngadto sa PangMasa, swerte gyud si Geneva tungod kay dihang gipangutana niya si Wilson Tieng, big boss sa Solar Entertainment, mitug-an kini nga wala pa siyay nakuha nga singer, nga nagbase na didto sa US.

''''Suwerte ni Geneva Cruz, dahil nagkataong nasa San Francisco (USA) siya with KC (Montero, Geneva''s husband),'''' pong pa ni Shirley. ''''Nang sabihin sa akin ni Wilson na wala nga siyang nakuhang singer na dapat ay naka-based na sa US to sing the National Anthem, immediately, ang pumasok sa isipan ko ay si Rachel Alejandro. Kaso, when I got in touch with Rachel''s talent manager, Girlie Rodis, I found out that she is back home for series of commitments. Kagagaling lang ni Rachel for a series of engagement bilang singer sa US.

''''Kaya, I immediately thought of Arnold Vegafria, (manager ni Geneva). Kung hindi ba naman suwerte ng loka (Geneva), nasa San Francisco pala ito with KC.

''''Heto pa ang siste. When I asked Geneva her measurements so we can send her a Filipina attire, sinabi niyang may dala si KC sa kanyang bago at pagkaganda-gandang Filipino terno. Iyon na raw ang kanyang isusuot,'''' litaniya ni Shirley.

Ang away ni Pacman ug Jorge makita sa GMA-7 karong Sunday, April 15.