Alex next week na mulugwa sa ST

Gitin-aw sa taga-production sa "Super Twins" nga wala sa script nga makita na sila Jennylyn Mercado ug Alessandra de Rossi sa first taping day sa naulahi niadtong milabay nga adlaw busa dili angay himoan og isyu ang sayo nga pagbiya ni Jen sa set.

Nasayran sa PangMasa nga sayo nahuman ang mga malipayon nga eksena nila ni Jen ug Nadine Samonte ug ang musunod nga eksena mao na ang pag-abot sa character ni Alex sa balay ni Donya Besta (Tetchie Agbayani) samtang nagsaulog sa birthday niya si Manuel (Ian de Leon) busa naa ang mga batang "ST" nga gidala nila ni Ella Cruz ug Nicole Dulalia.

Suma pa nga ang kanunay nga makauban sa eksena ni Alex mao ang mga bata busa wala pa masayri kanus-a sila magka-eksena ni Jen. Sa Miyerkoles pa sunod semana makita si Alex sa Super Twins.