Janelle gikataw-an ang ‘relasyon’ nila ni Willie

Subling gipanhimakak ni Janelle Jamer ang walay hunong nga mga intriga nga duna gayud silay relasyon sa iyang co-host nga si Willie Revillame. Bisan hagbay ra ang maong tsika, nga nagsugod dihang nagbuwag si Willie ug Liz Almoro sa milabay nga tuig, padayon gihapon kining gisaw-an.

"Ganoon naman talaga, sinasabi nila na may relasyon daw kaming dalawa ni Willie. Na ano raw? Na kabit daw ako? Grabe, hindi totoo yun! Hindi talaga! Swear!" nagkanayon si Janelle.

Matud pa niya karaan na kaayo ang maong isyu ug wala gayuy kamatuoran.

Nagkanayon si Janelle nga paraygon lang gyud si Willie busa posibli nga gihatagan og lain nga bulok sa publiko ang ilang tinagdanay o kasuod matag host nila sa Wowowee.

Giugkat pod ni Janelle ang giingong relasyon nila ni Mark Herras. Suma pa niya never kining nahitabo sanglit suod lang gyud sila nga higala sa Starstruck Male Ultimate Survivor.

Suma pa niya nagsugod ang ilang panaghigalaay ni Mark niadtong nagkauban sila sa "Now and Forever" sa GMA-7. Suma pa niya bisan og nibalhin na siya sa ABS-CBN, padayon gihapon ang ilang komunikasyon ni Mark ug magkita pod sila matag karon ug unya.

Diet nasayod sa ‘date’ nila ni Kristine ug Oyo

Wala mahulga si Diether Ocampo sa taho nga kanunay makit-ang mag-date sila si Kristine Hermosa ug Oyo Boy Sotto. Tsika sa PangMasa nga nasayod si Diet nga suod nga managhigala sila si Oyo ug Kristine sukad pa kaniadto ug wala siyay nabatyagan nga malisya niini.

Wala pa niya mahinabi si Oyo kalabot niining maong mga intriga nga naglambigit karon nila ni Kristine, apan wala gyud siya mabalaka niini.

"Pero wala namang kaso sa akin yun, e. Si Oyo isang malapit na kaibigan ni Kristine, I guess hindi lahat ng tao nakakaalam noon. Naiintindihan naman natin ‘yong ganoong sitwasyon, so walang problema."

Gitug-an pa gani ni Diether nga usahay magkuyog silang tulo og panuroy, apan tagsa na lang karon tungod kay busy siya sa iyang negosyo.

"Sila ‘yong malimit lumabas kasi mas abala ako... May mga ginagawa akong ibang proyekto, may mga negosyo akong pinagkakaabalahan," pasabot ni Diether.

Dihang gipangutana kun kumusta na ang ilang relasyon ni Kristine karon, komedya ni Diet nga kinahanglan pa gihapon niyang mangulitawo og balik ngadto sa aktres.

Matud niya hayan madugay pa ang ilang gilaraw nga kasal tungod kay daghan pa sila og angay atimanon.

"Medyo matatagalan pa ‘yan. Right now, inaayos namin ang mga trabaho namin dahil medyo nag-o-overlap na ‘yong ginagawa naming proyekto ngayon. So after ng Palimos ng Pag-ibig, tinatapos ko ‘yong Rounin, mayroon na naman kaming isa pang proyektong pagtatambalan."

Sunshine Dizon ‘Impostora’

"Impostora" ang follow-up project ni Sunshine Dizon diin makauban niya si Iza Calzado. Nasayran sa Banat Hugyaw nga kini mao ang giingon ni Shine nga dako nga project nga gihatag sa GMA-7 niya isip ganti sa gipakita niya nga dedikasyon sa top rating soap ‘Bakekang."

Dinhi ning maong project usab kinahanglan nga magpaniwang si Sunshine, lahi sa iyang lawas karon nga gituyo pagpadako aron kumbinsido siya sa role nga inahan sa duha ka kaluha.

Si direk Mario J. Delos Reyes ang direktor sa "Impostora," ug ikaupat na kini nilang higayon nga magkauban ni Iza sa usa ka proyekto. Ang unang tulo mao ang "Kung Mawawala Ka, nga unang political soap sa GMA-7 under direk Joel Lamangan," "Encantadia" ug "Etheria.

Ang Bakekang mahuman na sunod buwan, ug sugdan dayon ang taping sa Impostora nga ipagawas sa Hunyo o Hulyo pa puhon ning tuiga.