Pacman Kapuso na tungod sa usa ka milyon

Usa ka milyon ra ang hinungdan nganong sa GMA-7 na makit-an ang umaabot nga fight ni Manny Pacquiao kansang teaser makita na karon sa Kapuso network isip "Blazing Glory."

Daghan ang nakugang nganong kalit nga mibalitok si Pacman nga unta labihan man ang suporta nga gibubo sa ABS-CBN ngadto niya sa iyang katapusang away batok ni Erik Morales.

Gani nakita man nga bisan asa nga show sa ABS-CBN niadto mahimong mo-guest si Pacman aron lang ma-promote ang iyang away. Gipahimoan pa siya og recording album sa Star Records, diin si Lito Camo ang composer ug perteng promote ni Willie Revillame kaniya.

Apan ning bag-o lang, daghan ang nakugang nganong sa GMA-7 na nakita ang teaser sa umaabot nga away ni Pacman batok sa Mexican nga si Jose Solis karong April 15. Diin nagkuwang ang ABS-CBN?

Ang insider sa PangMasa mihagawhaw nga usa ka milyon ra ang diperensya nganong gipili ni Pacman ang GMA-7.

Suma pa nga adunay nahitabong bidding bahin sa telecast rights sa sunod nga away ni Pacquiao. Ang tanyag sa ABS-CBN, P39 million. Mibundak og P40 million nga tanyag ang GMA-7, naturalmente ang mas dako nga offer matud pa ang gipili ni Pacman.

Nasagap pod sa PangMasa nga duna nay mga sektor karon nga nagtawag ni Pacman nga walay utang buot tungod kay kun kwentahon ang tanang natabang sa ABS-CBN niya, kuwang pa ang P100 million nga bayad kun buot huna-hunaon. Boy Abunda nasakitan, nahiubos

Adunahan na si Boy Abunda, apan kining tanan mapasigarbohon niyang isulti ngadto sa tanan nga iyang gipatud-an og singot. Daghan na siya og mga kabtangan, mahimo na siyang mag-auction sa iyang mga mahalon nga sapatos tungod kay wala na siyay kabutangan. Kining tanan pahalipay niya ngadto sa iyang kaugalingon gumikan sa iyang mga kahago.

Tsika sa beteranang kolumnista sa PangMasa, Manay Cristy Fermin, labihan ka professional ni Boy, gani makadlawnan man o mabuntagan man ang TV host aron lang mahuman ang iyang voice over para sa The Buzz.

Buotan pod siya nga manager ug swerte ang iyang mga talents tungod kay gawas nga dunay mohatag nila og proyekto duna pay manalipod nila kun sila maoy insakto. Manggiluy-on si Boy Abunda, walay bisan usa nga miduol niya nga mipauli nga magul-onan. Naila siya nga manager nga dili na mukuha sa iyang porsyento kun ugaling gamay ra ang talent fee nga madawat.

Kining tanan giyagyag ni Manay Cristy gumikan sa usa ka blind item nga migawas diin tataw kaayo nga gi-question ang abilibad ni Boy kay matud pa bisan sa milyones nga gasto walay ayo ang campaign ad ni Mike Defensor.

Suma pa ni Manay Cristy bisag gi-blind item pa tataw kaayo nga si Boy ug Mike ang gipasabot busa mas maayo nga ginganlan na lang unta sa ingon makahatag sa ilang habig ang mga nahisgutan.

Busa pagtin-aw ni Boy sa maong isyu, "Walang milyones na ibinigay sa akin si Mike, he is a friend, I did the campaign ad for free. Our friendship is beyond politics, kaibigan ko rin ang wife niyang si Julie, ginawa ko yun nang libre.

"Ang kumita ay ang mga production people na nagbuo ng materyal, maliit na halaga lang ang tinanggap ng mga talents ko, pero may gusto akong ipaliwanag tungkol sa kinukuwestiyon ni Ambet (Ambus, writer sa laing tabloid) na milyones daw.

"Walang ganun, ako pa ang tumulong kay Mike para makakuha ng mga taong magpa-fund para sa kanyang kampanya. Nagrisko ako ng pangalan ko, ng kredibilidad ko, ako pa ang tumulong kay Mike at hindi ako nagkamal ng milyones mula sa ginawa ko para sa kanya.

"Hindi ako ang taong isinulat ni Ambet, kung kilala niya ako, hindi ako ang tinutukoy niya sa kanyang blind item," emosyonal nga pagpasabot ni Boy.