Ang backward gardening, baw!

Kini si Looc Barangay Captain Editha Flores Cabahug, usa ka tawo nga kon makasugod na gani'g sulti, wa na gyo'y preno preno. One time, nga didto ko's ila, kay nagsabot mis Sir Paolo Gonzales nga adto na lang sad ko nila pik-apon paingon sa Lapulapu City, kay gasabot man sad mi's Jokee nga adto na lang sad mi mag-abot sa ilang pinuy-anan ni Konsehal Pokang ug mam Edith, kay si Jokee man diay gahimo sa campaign jingle nilang konsehal Pokang ug Cap., nahinaykan man god nakog pangutana sad si Cap. Edith kon unsay ikasulti niya sa backyard gardening project sa ilang kaatbang, kay clean and green man gyod siya diha sa barangay Looc, and for a fact, ang barangay Looc maoy napiling Cleanest Barangay sa tibook Mandaue, ug matud niya, okay ra gyod kono nga project pero dili tingali na maoy priority, kay mora na hinoon kono na og backward gardening, kay inay mo-asenso ang Mandaue, mag-backyard gardening na man hinoon.

Me and my big mouth, midugang pa jud pangutana, kon angayan bang maoy himoong main project alang sa usa ka kandidato sa usa ka taas nga position. Dinhi nang tungora nga dili na mahunong og istorya si Cap Edith. Iya na tanang istorya, ug wa na gyod mi matarong og istoryahanay ni Jokee bahin sa iyang mga compositions, ug nabiyaan pa gyod kong Sir Paolo Gonzales [maayo gani kay gihatod ko's akong driver nga tagoon lang natos ngan nga Keken Cabahug]. Nagtawganay na lang mis Jokee sa among cellphones.

"Ana ra gyod siya kutob, kay wa man sad siya'y laing kamaohan, kay agriculturist man siya. Pero sa iyang pagka konsehal duna siya'y nahimo nga chance na man unta to niyang makahimo siya'g milagro, di ba? Maayo pang mga barangay captain, may nahimo pa's tagsa tagsa nilang ka barangay. Siya, duna?" Dili na mahilom si Cap, ug nahisgutan na gani niya ang yuta kono sa Mandaue City government nga gipa titulohan sa usa sa mga sakop sa banay sa ilang kaatbang, ug bawi-onon sa Mandaue City. Mao na's Cap., bisa'g sa panahon nga mag-shooting mi kaniadto, ayaw'g hisgot sa mga butang nga kontra's iyang bout, kay di gyod ka atrasan, kay ilado sad siyang fightingest barangay captain sa lalawigan sa Sugbo, gawas nga maayong artista ug beauty queen.