Alex, andam makighigala ni Jennylyn

Tungod sa pagka loyal ni Allessandra de Rossi, tinud-on sa network ang gisaad niini nga shows isip ganti. Kahinumduman nga dunay offer ang ABS-CBN nga teleserye diin siya maoy kontrabida ni Heart Evangelista, apan gibalibaran kini ni Alex lakip na ang offer sa Cinema One para sa digital film nilang "Rome & Juliet," diin siya unta ang Juliet ug si Mylene Dizon si Rome, apan tungod kay dili niya kaya nga makighawok og babaye, itsapwera kini.

Subling gipamahayag ni Alex nga ang acting kinahanglan maggikan sa kasing-kasing, busa kun dili niya feel dili gyud siya modawat kay sigurado siya nga dili niya mahatag ang pangayoon sa direktor.

Niadtong Lunes gibalita dinhi sa Banat Hugyaw nga "Super Twins" ug Luv Pow ang nag-ong-ong niya nga projects, busa pangutana sa mga himantayon kun unsay eksena nga mahitabo nga anaa man si Jennylyn Mercado sa nahisgutang pantaserye, ug sa nasayran wala pa may maayo silang buot sa usag-usa tungod ni Jeremy Marquez, ex-bf ni Alex.

"Susunod lamang naman ako kung ano ang sasabihin ng direktor, kaya walang problema sa akin," tubag ni Alex ngadto sa PangMasa. "As usual, kalaban ako rito pero may dahilan kung bakit ako naging masama. Ako rito si Nickellina, kapatid ko si Manuel (Ian de Leon), pero ako ang tunay na anak ni Donya Besta (Tetchie Agbayani), half brother ko lamang si Manuel at babalik ako para maghiganti, kaya marami akong gagawing masama hindi lamang sa aking ina at kay Manuel kundi sa dalawa niyang anak, sina Sha-sha at Tin-tin. Siyempre, may eksenang makakalaban ko ang "Super Twins," pero marami na akong nakatrabaho na may issue rin kami, pero iba naman ang trabaho sa personal. Pag trabaho, trabaho lang ako."

Unsaon na lang kung hasta si Jeremy isulod pod sa ST? Tubag ni Alex, never nga musugot siya tungod kay tataw na kaayo kining "gamitan." Dili na ba gyud diay sila mag-kauli ni Jennylyn? Matud ni Alex, walay problema niya tungod kay andam siyang makighigala basta ang nakasala maoy mohimo og lakang, nungka nga siya maoy mo-una. Samtang ang Luv Pow, gikataho nga maoy hulip sa "Magic Kamison" sugod sa May, 2007.