Anne beneficiary sa insurance ni Luis

Proud kaayo si Luis Manzano sa iyang inahan nga si Lipa City Mayor Vilma Santos. Sa presscon sa "Ang Cute ng Ina Mo" sa Star Cinema ug Viva Films kung diin bida sila si Ai-Ai delas Alas, Anne Curtis ug siya, wala malikayi ang pangutana kabahin sa iyang inahan ug grabe gyud kaayo niya gipasigarbo ang iyang inahan.

"Both in entertainment and politics, she has proven herself. It's different kapag nakikita ko ang accomplishment na nagawa ng mommy ko para sa industriya and it's very different kapag nakikita ko ang nagagawa niya para sa kabuhayan ng mga tao.

"So, kung baga, either way, if she goes to showbiz, I think, panalo ang industriya, if she goes for politics, panalo naman ang mga taga-Batangas," matud pa ni Luis.

Samtang nagkanayon si Luis nga haom gayud ang titulo nga "Cute ang Ina Mo" tungod kay, "my mom is so cute na kung gaano siya kaliit, kayang-kaya niyang maging best leader."

Ikaduhang pelikula na ni Luis ang "Ang Cute ng Ina Mo", ang una mao ang "All About Love" ug parehong si Anne Curtis ang iyang pares.

Showing na sa Abril 7 ang maong pelikula ubos sa direksyon sa box-office director nga si Wenn Deramas, "Ang Cute ng Ina Mo" gilauman nga mamahimong lain na pod nga monster hit parehas sa "Tanging Ina" ni Ai-ai nga tinuoray gyud nga nagsang-at og milyon-milyong salapi sa kaban sa Star Cinema.

Dungan niini miiknat ang kilay sa entertainment press human masayri nga si Anne ang usa sa mga beneficiaries sa iyang travel insurance. Wala siya mutug-an pila basta matud pa niya igo na kini aron dili na motrabaho si Anne.

Paingon man gud sa Boracay ang aktor para sa taping sa "Your Song" ug required gyud nga adunay travel insurance kung inkaso nga adunay mahitabo nga dili maayo sa maong trip.

Gipangutana siya kung nganong si Anne ug asoy niya, "wala lang, trip lang. Sabog ako no'n," pagpakatawa sa aktor.

Beauty titlist bag-ong leading lady ni Richard

Labihan ang pasalamat ni Richard Gutierrez nga walay aksidenteng nahitabo sa usa ka makapanimbawot sa balhibo nga stunt niya sa bag-o niyang teledrama sa GMA-7, ang "Lupin."

Tsika sa PangMasa nga usa ka dako nga eksena ang gigama sa Capones Island sa San Antonio, Zambales niadtong Lunes diin sakay sa helicopter si Richard ug mahulog siya gikan didto, ug saw-on siya og speed boat nga gimaneho ni Katrina Halili. Wala man untay problema kung dili lamang grabe kakusog ug mga dagko ang bawod niadtong mga orasa. Maayo man gani nga nahuman pod sila usa misawop ang adlaw.

Adunay bag-ong leading lady na pod si Richard sa "Lupin," si Abigael Cruz, ang 2nd runner-up sa bag-o lang nahumang Bb. Pilipinas beauty pageant. Wala sila naglisud pagkuha ni Abigael kay gitugutan siya ni Ms. Stella Marquez-Araneta, chairman sa Bb. Pilipinas Charities.

Nasayran nga si Abigael black belter sa Muay Thai, hinungdan nga nindot siya og lawas nga maoy nakapadaog pod niya isip Best in Swimsuit.

Samtang gitin-aw sa production team sa Lupin nga wala pa gyuy nakuha nga puli ni Cesar Montano ug matud pa dili tinood nga apil sa nahisgutan nila si Edu Manzano. Misamot ka hanap nga si Edu maoy tanyagan kay duna naman kini Game Ka Na Ba sa ABS-CBN.