Hulip ni Kris kinahanglan dunay approval niya

Si Edu Manzano ang muhulip ni Kris Aquino sa Game Ka Na Ba sugod karong adlawa. Kining tanan dunay approval ni Kris ug samtang gibasa ang iyang official statement ni Boy Abunda sa The Buzz niadtong Domingo, nag-taping pod si Edu sa usa sa mga studios sa ABS-CBN.

Tsika sa PangMasa nga kagahapon nagmeting pod ang production team sa The Buzz alang sa temporaryong hulip ni Kris ug matud pa kinahanglan nga duna kini pagtugot ni Kris.

Kinahanglan nga mopahuway una si Kris tungod kay delikado ang sitwasyon sa iyang gisabak ug matud pa niya walay laing importante alang niya karon kun dili ang mamahimong maayong inahan ngadto ni Josh ug sa umaabot niyang anak nga si Baby James.

Jay-R nasakit sa Japan

First time ni Jay-R Siaboc nga nakagawas sa nasud busa labihan ang kahinam nga gibati niya atol sa ilang show sa Japan kauban sila si Panky Trinidad, Ronnie Liang, Chad Peralta, Irish Fullerton ug Yeng Constantino.

Sa paghinabi sa PangMasa kang Jay-R atol sa launching sa "Sana Maulit Muli" soundtrack album, gitug-an niini nga nasakit siya sa Japan tungod kay nabag-ohan siya sa klima.

Apan nalipay siya kaayo sa kainit sa paghangop nga gipakita sa iyang Pinoy fans sa Japan nga gani giregalohan pa siya og mga kwintas,bracelet, ring ug ariyos. Tungod kay first time niya chocolates ang gipamalit nga pasalubong ni Jay-R.

Samtang nasayran sa PangMasa nga dunay kanta si Jay-R sa soundtrack album, kini mao ang "Kung Maibabalik Ko Lang".

Dunay 10 tracks ang maong album ug si Gary Valenciano ang nag-una sa listahan pinaagi sa new version sa iyang signature hit nga "Sana Maulit Muli", nga main theme sa series.

Ang leading lady ni Gerald Anderson sa serye nga si Kim Chiu dunay rendition pod, ang "Mine". Ang bersyon pod sa laing cast nga si Mark Bautista nga "Matud Nila" lakip gihapon sa maong album.

Ang mga banda sama sa True Faith ((Isang Pangarap Lamang), Frio (Hiling), Silent Sanctuary (Maalala Mo Sana), Breaking Silence (Sana) ug Six Part Invention (Umaasa Lang Sa 'Yo) duna poy mga kanta.