Law student, artista ug Dj ang mga rayna

Sama sa gipaabot sa kadaghanan, nakoronahan gayud isip Bb. Pilipinas-Universe ang summa cum laude nga si Anna Theresa Licaros sa Araneta Coliseum niadtong Sabado sa gabii.

Ang paborito pod sa kadaghanan, ang GMA-7 star nga si Maggie Wilson maoy milangkat sa titulo nga Bb. Pilipinas World. Apan daghan ang nahibulong nganong wala masulod ang pambato sa Sugbu nga si Nicole Schmitz ug kutob ra siya sa Top 13.

Si candidate number 14, Nadia Lee Cien Shami maoy gideklara nga Bb. Pilipinas International, samtang si Leizel Verses kinsa napili isip Best in Long Gown maoy first runner-up ug si Abigail LesleY Cruz nga maoy midaog isip Best in Swimsuit ang 2nd runner up.

Ang nahabilin nga minor awards gipulipulihan og dawat nila ni Licaros- Miss Bacchus, Watsons Woman Award, Miss Philippine Airlines, ug Miss Natasha, Wilson- Miss Photogenic, Miss Ever Bilena, ug Miss Watsons Style Icon.

Ang mikompleto sa Top 13 mao sila si Nicole , Theofeliz Marie Francisco, Melanie Adjarani, Luisa Beltran, Jamie Burgos, Keann Mallari, Ferniz Utatulum, ug Angeline Tucio.

Dunay mga nanggawas nga tsika sa Internet nga sa final deliberation sa mga judges mao nga dunay pabor nga si Nicole alang sa Universe, Maggie alang sa World ug Nadia alang sa International ug gani dunay mitambag nga buhian si Licaros. Apan sa katapusan nahukman nga buhian si Nicole tutal mahimo pa siya nga moapil og balik, nungka nga si Licaros ang ibalewa tungod kay maayo ang iyang labok sa Q&A.

Apan dunay mga nangutana nga kun mao ni ang sultada nga nahitabo, kahibulungan nganong wala masulod sa Top 5 si Nicole.

"Palimos ng Pag-Ibig" vs. "Sinasamba Kita"

Kung igawas na sa ABS-CBN ang sineseryeng "Palimos ng Pag-ibig" karong gabii starring Diether Ocampo, Kristine Hermosa and Rica Peralejo, ang GMA-7 sugdan na pod ang paghimo sa "Sinasamba Kita".

Kahinumduman nga klasikong pelikula pod ang "Sinasamba Kita" starring Vilma Santos, Lorna Tolentino, Christopher de Leon and Phillip Salvador.

Tsika sa PangMasa nga sa TV version, ang modala sa papel ni Vilma mao si Sheryl Cruz ug si Valerie Concepcion pod ang modala sa role nga Nora nga kang Lorna T niadto.

Si Wendell Ramos ang modala sa kang Christopher de Leon ug si JC de Vera ang modala sa karakter ni Ipe.

Ugma na puhon ang story conference ug gipaabot nga direktor mao si Joel Lamangan. Suma pa sa PangMasa, ang nahisgutang project maoy comeback ni direk Joel sa telebisyon, diin katapusan niyang gigama mao ang "Kung Mawawala Ka."

Dolly mibawos ni Sharon

Human sa pamahayag ni Megastar Sharon Cuneta nga nahiubos siya sa sikat nga entertainment columnist nga si Dolly Anne Carvajal tungod sa gipagawas niini nga mga hulagway ni KC kauban ang gilambigit niini nga si direk Lino Cayetano, mitingog ug nanalipod si Dolly Ann sa iyang kaugalingon.

"I explained na myself in my column and I even thanked Sharon for all her help, galit pa rin siya? Para namang crime 'yung pag-print ng photo ni KC with Lino," tubag niini ngadto sa PangMasa.

Matud niya nga nakasabot siya ni Sharon sanglit inahan pod siya nga natural lang nga manalipod ug maghunahuna alang sa ikaayo sa iyang anak. Apan pong pa niya walay malisyoso sa iyang gibuhat.

"But wala namang malicious sa picture, di ba? Hindi rin naman imbentong kuwento ang mga sinulat ko. Talaga namang Lino and KC are dating, so what's wrong with what I wrote about?

"I think, what irked Sharon was of the headline na KC and Lino spent time in HK. That could mean just a few hours. Quesehodang minutes, hours or days, totoo namang Lino followed KC in HK.

"I printed Lino's side in my column. Sharon keeps saying na ayaw niyang makialam sa love life ni KC and she knows her daughter has a good head above her shoulders. Kung ganu'n nga, eh di she should let KC and Lino be.

"It was never my intention to hurt Sharon. God knows kung gaano kalaki utang na loob ng family ko sa kanya. But work lang naman ito. Just as she must choose beautiful compositions to come up with a hit, I also have to pick juicy items for my column," litaniya ni Dolly Anne.

Polo nagwala, walay duha-duha

Giingong nagwala si Polo Ravales tungod sa panagbuwag nila ni Ara Mina ug ang iyang latest movie ubos sa Seiko Films nga dunay titulo nga 'Silip" ang gipahimungtan. Kini pinaagi sa pagsugot gayud dayon sa walay pagduha-duha nga ipakita sa camera ang iyang sampot.

Tsika sa PangMasa nga gisugdan na ang shooting nila ni Polo, kauban sila si Francine Prieto ug Diana Zubiri sa Bongabon, Nueva Ecija niadtong Sabado.

Dugang tsika mao nga nahuman na ang butt scene ni Polo with matching kissing scene kauban ni Diana samtang nangaligo sila.

Sexy film ang maong project ug si direk Joel Lamangan ang direktor. Pwes ibalik na diay sa Seiko ang bold movies? Mura!