Kampo ni Judy Ann nagtagawtaw tungod sa award

Nganong dili si Judy Ann Santos ang Box Office Queen sa Guillermo Mendoza Memorial Scholarship Foundation? Kini maoy pangutana sa kampo karon sa Young Superstar.

Si Alfie Lorenzo, manager ni Juday, nagkanayon ngadto sa PangMasa nga kadudahan ang resulta tungod kay top grosser man ang Kasal Kasali Kasalo nila ni Ryan Agoncillo sa milabay nga Metro Manila Film Festival ug gani napildi man gyud ang Enteng Kabisote 3 sa kita sa box office.

Si Vic Sotto ang pasidunggan isip Box Office King 2007 tungod sa kalampusan sa Enteng Kabisote 3,samtang sila si Kris Aquino ang Claudine Barreto tungod sa maayong resulta pod sa Sukob.

"Natatawa lang ako kasi ano naman ang batayan nila? Lumutang talaga ang kawalan nila ng kredibilidad. Everybody knows na top groser ang KKK over Sukob, eh may "Don't Give Up On Us" pa si Juday. One movie vs. 2?" pong pa ni Tito Alfie ngadto sa PangMasa.

Gi-question pod ni Alfie ang award ni Vic imbes nga si Ryan Agoncillo ang pasidunggan isip Box Office King.

Nagduda ang kampo ni Juday nga gi-personal sila sa GMMSF tungod kay years ago, wala motunga ang Young Superstar tungod sa kalampusan sa "Isusumbong Kita sa Tatay Ko" with Fernando Poe, Jr., tungod kay duna siya'y taping.

"Naku, kailangan nilang magpaliwanag talaga kung bakit ganyan ang desisyon nila. Now na," bwelta ni tito Alfie.

Sharon mapasigarbohon ni Kiko

Ligdong nga pagkabana si Senator Kiko Pangilinan ug sa 11 ka tuig nila nga kaminyuon wala gyuy masulti si Megastar Sharon Cuneta. Matud niya ngadto sa press, daghang nangintriga nga himabaye si Kiko apan hangtud karon padayon pa nilang gipangita hain ang giingong mga "chicks."

"For the past six years, buhat nang maupo siya, hanggang ngayon hinahanap namin kung saan ba ang mga chicks niya. Kasi, parang wala na silang masira kay Kiko, so they hit where his strengths lie. And those strengths lie in his family, most of all. So, du'n siya lagi tinitira na up to now, talagang hinahanap namin," yawyaw pa ni Sharon.

Mapasigarbohon pod si Sharon sa track record ni Kiko nga wala gayud kini isyu sama sa pagpangawkaw, sa hamubo nga pagkasulti tiunay nga serbisyo ang gihalad sa iyang bana.

"Wala po kaming iniyaman sa kanyang pag-upo. Mas malaki pa nga ang kinikita ng dalawa kong maliit (Frankie and Miel) kaysa sa daddy nila. Sabi ko nga, kung puwede lang mag-off si Kiko for three years at gumawa na lang muna ng commercials, pero hindi naman siyempre puwede 'yun."

Giangkon hinuon ni Sharon nga medyo lisod gayud karon ang kandidatura ni Kiko tungod kay independent candidate man ang nahisgutan, ug gani komedya nila karon sa ilang panimalay,"abonado na naman tayo, sweetheart".

Richard balik trabaho gikan sa New York

Nahibalik na si Richard Gutierrez sa nasud human sila nagbakasyon sa iyang igsuon nga si Elvis sa Los Angeles ug New York, ug nag side trip pa sa Paris. Diretso siya sa taping sa "Lupin" pag-abot niya sa Pilipinas niadtong March 1.

Nasayran sa PangMasa nga wala diay mahinayon og kuyog sila si Annabelle Rama ug Eddie Gutierrez sa ilang mga anak tungod kay dili mahimong biyaan sa naulahi ang taping niya alang sa "Dalawang Tisoy" alang sa RPN-9.

Matud ni Eddie giganahan siya sa istorya sa "Dalawang Tisoy" dihang gitanyag kini ngadto niya sa Solar Entertainment busa go dayon siya sanglit dugay na nga wala siya makagama og sitcom tungod kay puro pantaserye ang iyang projects sa GMA-7.

Kauban niya sa maong proyekto si Freddie Webb isip stepbrother, with Melanie Marquez, Sandara Park, Vince Saldana and Dexter Doria. Sa direksyon ni Al Quinn, pilot telecast na niini sa Thursday, March 15, 8:00 p.m.

Nancy na-virginan ang mga ngabil

Si Jao Mapa ang naka bunyag sa mga ngabil ni Nancy Castiglione pinaagi sa umaabot nga movie nga giuluhan og Xerox Copy diin duna silay torrid kissing.

Ang nahisgutang pelikula ubos sa Colours Films International diin bida sila si Michael Rivero, William Redmond, ug daghan pa sa direksiyon ni Deo Fajardo Jr. Gikatakda kining isalmot sa Gay & Lesbian World Digital Film Festival.

Giangkon ni Nancy nga medyo nakuyawan siya sa sinugdanan sa shooting sa maong eksena apan nabuhat nila kini og tarong human pod gi-drawing ni direk Deo ang porma sa ilang hawkanay. Mapasalamaton si Nancy nga wala mopahimos sa higayon si Jao ug labihan niini ka-professional.

Matud niya si Jao maoy iyang gipadala sa sitwasyon ug bisan dugay ang ilang hawkanay, take one lamang kini.

Sa lovelife malipayon si Nancy sa ilang relasyon ni Brad Turvey nga going strong karon sulod sa napulo ka buwan. Matud niya nag-ampo siya nga si Brad na ang tukma nga lalaki para niya.

Matud niya puro sila mga English speaking tungod kay Australian si Brad ug Canadian siya, apan kun mag-istorya sila Tagalog ang ilang gamiton aron mabansay ang ilang mga baba.

Si Brad matud pa niya higala niya sa sinugdanan, apan nagkadugay nagkalahi na ang iyang pagbati niini ug misampot gayud sa espesyal nga paghigugmaay.

Human sa relasyon ni Brad kang Pops Fernandez, si Nancy na ang sunod samtang siya ang mihulip sa dapit nga gibiyaan ni Bullet Jalosjos diha sa kasingkasing sa dalaga.