Juday: 'Trabaho lang walang personalan'

Dunay mga tsismis nga nahiubos gyud ang Star Cinema ni Judy Ann Santos human niya balibari ang project unta nila ni Claudine Barreto ug gidawat ang tanyag sa GMA Films nga project nila karon ni Jolina Magdangal, ang Quija Board.

Suma pa sa "Young Superstar," kinahanglan niya nga motrabaho tungod kay daghan siya og bayranan ilabi na nga wala pa masulbad ang iyang kaso sa BIR.

Hinoon wala niya basula si Claudine nga mabdos karon hinungdan nga dili masugdan ang project. "Pero siyempre, kailangan ko ring magtrabaho at planuhin ang sarili kong schedules," pong pa niya.

Gani namahayag man pod ang manager ni Juday, si Alfie Lorenzo, nga "habang hinihintay naming manganak si Queen Claudine, sabi ko, gawin na ang GMA Films and why not Juday and Jolina? Tapos, sasabihin nila, bakit namin tinanggap."

Sitti dili magparetoke

Hagbay ra diay nga dunay offer sa Bossa Nova Diva nga si Sitti Navarro aron suwayan na pod ang pag-arte sa pelikula apan gibalibaran niya tungod kay wala sila makauyon sa buot mahitabo sa producer.

"Sinabihan siya kasing dapat daw mag-breast enhancemet kaya tumanggi siya," tsika sa manager ni Sitti nga si Gary Trinidad. Dihang gipangutana pod nganong dili siya magpa-enhance, dali kining mitubag, "naku, ayoko po, okay na ako kung anon'g meron ako."

Nasayran sa PangMasa nga hagbay ra pod nga dunay tanyag ang mga glossy men's mag pero dili type ni Sitti tungod kay dili pa siya andam nga ibalandra iyang lawas sa publiko.

Matud ni Sitti, singing lang gyud ang iyang gusto, hinoon padayon iyang hosting assignment sa PBB2 alang sa Studio 23 human pod nakita ang iyang talento sa Pinoy Dream Academy. Semi regular si Sitti sa ASAP '07.

Mga "papalicious" magtapok

Magtapok ang mga gwapong matinee idols karong gabii sa "The Ricky Lo Exclusives" sa QTV-11 alang sa episode nga giuluhan og "Gwapolicious.

Nasayran sa PangMasa nga gipaabot nga makita sa maong episode sila si Dennis Trillo, Mark Herras, Patrick Garcia, Dingdong Dantes, Marky Cielo, Zanjoe Marudo ug Rafael Rosell.

Suma pa nga hasta pod unta sila si Sam Milby ug Piolo Pascual apil sa maong episode apan wala mahinayon, hinungdan nga mitumaw ang mga pangutana nga hayan wala tugti sa ABS-CBN ang duruha nga usa sa maisip nga "hot properties" nila karon.

Ang "The Ricky Lo Exclusives" matag Miyerkules, alas 8:30pm sa QTV-11.