Pagdughit og laing garbo alang sa Sugbu

Pilita Corales, Vina Morales, Manilyn Reynes, Sheryn Regis, Raki Vega, Panky Trinidad ug Rezza Navales. Sila pipila lang sa mga Cebuana nga mihimo og dili basta-basta nga kasikas sa music industry sa kaulohan. Silang tanan mihatag og dakong garbo sa Sugbu nga makausa gitawag og "home of the divas." Ug karon ang labing uwahing babaye gikan sa Queen City of the South nga hingpit nang mihukom nga manimpad sa kauluhan walay lain kun dili si Maria Donna, ang singer gikan sa Pilipinas nga milangkat sa gold prize sa prestihiyosong Shanghai Music Festival. Kining maong kalampusan ni Maria Donna, makasaysayanon sanglit sa walo ka tuig nga pagpanimpad sa Pilipinas niining maong indigay, wala gayud makuha ang labing taas nga ganti, hangtud nga ang nahisgutan na ang nakigtigi niadtong Oktobre ug iya gayud nga naangkon ang titulo diin ang second prize winner usab walay lain kun dili ang Sugbuanon nga si Jimmy Marquez.

Tinuod taod-taod na nga misulbong ang bitoon ni Maria Donna dinhi sa Kabisay-an ug gani nanumpa man siya nga magpabilin dinhi sa Sugbu. Apan nahuna-huna niya nga mas dunay dako nga kahigayonan kun manimpad siya sa kauluhan aron ang iya unyang kalampusan saw-an na usab sa mga Sugbuanon.

Ania ang tipik sa interview ni Maria Donna sa iyang pagbisita sa showbiz-oriented program OkRyan sa dyLA,(3-4PM, matag Lunes hangtud sa Biyernes), niadtong Huwebes..

OkRyan: The last time you were here miingon ka nga mag-Cebu based ra jud ka, so unsay nakapausab sa imong desisyon?

Maria Donna: Actually man gud Manila is different, bigger crowd unya more challenges and one thing is dako og mileage ba for example if national ka everybody will really know your song. I'm really hoping that I could give again pride and honor to Cebu City, nga maayo ang Cebu, maayo gyud ang mga Cebuanos.

OkRyan: Pero under gihapon ka sa SARUA Records, nga Cebu based?

Maria Donna: Yes of course. The thing is maong mag-Manila mi kay we wanted them to know that there is a Cebu based company nga kaya gyud mo-establish og recording company though naa ra sa Cebu ba, then kaya nga ni-national.

OkRyan: So inig-abot nimo sa Manila unsa may mahitabo, nana kay mga regular shows?

Maria Donna: Actually I have a lot of shows this March and naa nay mga offers pod pero dili lang sa nako isulti. Naa koy mga shows, Subic, Davao, Cebu and Manila, usually mga corporate shows. And hopefully I'l be shooting my MTV this March 2 sa Antipolo, then mo-release mi sa song gyud nga carrier single dungan na tanan with the print and radio.

OkRyan: Unsay imong mga preparations, kay kun moingon kag Manila its "either you make it or break it" na ang duwa diha?

Maria Donna: Ang pinakadako nga panagang is prayers, I won't be there kun wala gyud ko tabangi di ba? Usa pa sad just do your thing, do your best. Make good and be yourself. Kun tan-aw nila you have the talent, let it go. Then kun ma-appreciate nila thank you. If you are really destined to be somebody then God will allow it and make a way.

OkRyan: So wala kay expectations?

Maria Donna: I have expectations for myself. But akong worry man gud is what if people won't accept me? But so far katong didto ko sa Manila I had a show in Greenhills together with some stars, na shock ko ba kay people were accepting me as if kaila gyud sila sa akoa. Like paggawas nako hala syagit, wala gyud ko nag-expect ba nga hala ingon ana ang approach. I know God is giving me a lot of miracles in my life, maybe that was one miracle that He gave me. And in my show in Tower Club Makati high-end tanan tawo but sa last song nako people were standing up and clapping their hands so I guess that's one thing nga makaingon ta, okay people are accepting me slowly, murag naay chance. But of course it needs a lot of prayers, prayers and prayers and also attitude because dili man ikaw ray makisama. You have to deal with a lot of people there. I mean I go there, kinsa man ko? I mean I'm just starting so I need a lot of prayers. And with God's help I really know that He will keep my feet on the ground.

OkRyan: Karon Don, istoryahan nato imong second album nga out in the market na. Unsa gani title ani?

Maria Donna: Yeah its entitled Maria Donna, Only When Our Hearts Unite. It includes the winning piece katong sa Shanghai which is 'Only When Our Hearts Unite. Ang carrier single, kay " Kung Siya Ang Mahal Mo" by Vehnee Saturno.

OkRyan: Don invite our listeners asa mapalit ang imong album.

Maria Donna: Its already released, my album Maria Donna Only When Our Hearts Unite. I hope you will buy it because it includes my winning piece and also songs of letting go. To all the broken hearted, this one is for you. I even have a friend she was broken hearted and she wanted to cry but she can't, so iyang gibuhat iyang gipatukar ang akong album and nihilak siya pag-ayo. I have this song also, sa number two nga cut, its something nga though nawagtang na siya there was a time in your life nga you were together and you love each other, something like that. Kung Hindi Ako ang title ana, its letting go but loving the person also without expecting anything in return. I really love songs of good-bye mao nga kining second album I'm very proud of this one kay ang winning song naa, and also I'l be helping a lot of broken hearted people here, kanang dili maka let go, bitter kaayo. If you wanna really cry, murag tayming kaayo ang akong album nga pwede ni ninyo paminawon. There is also a song nga gi-compose ni Kuya Gani nga murag-ngaub-ngaub ba nga ayaw lagi ko og biyai ba, something like that. I really recommend this album hinaut unta nga inyo kung suportahan.