Suma pa sa taho nga kalit lamang mibutho si Spears sa maong tattoo shop kay nagpabutang siya og paris nga pula ug pink nga ngabil sa iyang pulso.
Si Spears nakita sulod sa tattoo parlor nga opaw ang ulo apan dihang mibiya kini sa shop gauna ang mga body guard niini nga mihatud kaniya paingon sa naghuwat nga SUV nga sakyanan.
Giputos ni Spears ang iyang ulo og sweat shirt dihang migawas kini sa tattoo parlor.
Niadtong Biyernes una na nga nakuhaan og footage nga dunay gamay'ng tattoo sa likod sa iyang liog, apan mibutho siya sa tattoo parlor pagka sunod adlaw kay buot niya nga magpabutang og tinood na gyud nga marka diha sa iyang pulso.
Gikataho nga sa wala pa mosulod sa tattoo parlor si Spears nanglabni kini og electric clipper ug gigamit sa pagkagis sa iyang ulo didto sa San Fernando Valley salon niadtong Biyernes.
Miingon si Spears nga buot lamang niya nga magbag-o og imahe. Miingon ang mga kritiko ni Spears nga tungod sa iyang gibuhat angayan na siyang Ipa-rehab.