Pauleen nakaila ni Hope

Nakaila si Pauleen Luna kinsa si Hope, ang babaye nga gitumbok nga hinungdan sa problema nila ni Kris Aquino ug James Yap. Apan matud sa beteranang kolumnista sa PangMasa, Manay Lolit Solis, wala masayod si Pauleen unsay apelyido ni Hope.

Matud ni Manay Lolit nga nakaila si Pauleen ni Hope tungod kay mao kini ang kanunay nga moatiman niya, sa higayon nga mobisita siya sa Belo Clinic.

Dungan niini gipanalipdan ni Manay Lolit si Dra. Vicki Belo sa mga pasangil nga ang naulahi maoy nagtupo ni James ug ni Hope. Matud ni Manay Lolit, imposibli kini tungod kay kanunay nga tua sa gawas sa nasud ang nahisgutan.

"The who nga ba si Hope? Siya nga ba talaga ang third party sa tsismis na nagkakalabuan ang mag-dyowang Kris Aquino at James? Sa sobrang paghahanap ng mga reporter kay Hope, imposibleng hindi malaman ang kanyang kinaroroonan.

Anne nangitag lalake nga "for life"

Usa ka surprise birthday party ang gimugna alang ni Anne Curtis para sa iyang 22nd birthday last February 17, pero gipahigayon kini niadtong Friday, February 16. Ang iyang Viva Family, headed by Veronique del Rosario-Corpuz ug ang nalambigit niya karon nga si Erwin Genuino, anak ni PAGCOR Chairman Efraim Geniuno ang nagmugna sa maong party nga gipahigayon sa Karaoke Room sa 6th floor sa Hyatt Hotel.

Tsika sa PangMasa nga gidapit una ni Erwin si Anne para mag-dinner sa usa ka Chinese restaurant sa 5th floor sa hotel ug pagkahuman gi-imbitar na pod siya sa lalake aron mag karaoke sa sunod nga floor.

Pwes nasorpresa si Anne kay pag-abli niya sa pultahan sa Karaoke Room didto na ang iyang Viva Family ug mga close friends nga non-showbiz. Gidapit pod si Luis Manzano, pero wala makatambong kay didto sa Batangas with Mom, Vilma Santos. Wala pod makalugwa si Oyo Boy Sotto tungod kay dunay taping. Didto hinoon si Mark Bautista nga kauban niya nga miabot si PDA Top 6 Irish Fullerton, ug nagduet sila sa "Endless Love" gawas nga ubay-ubay pod sila og gi-awit.

Subling gitin-aw ni Anne nga "friends" ra sila ni Erwin, matud niya kung dunay relasyon dili niya kini itago sama sa iyang pag-angkon kaniadto nila ni Oyo, Richard Gutierrez ug Paolo Araneta.

Subli pod niya nga gitin-aw nga dili tinood ang mikatap nga taho nga sila na karon ni Sam Milby, co-star niya sa "Maging Sino Ka Man." Matud ni Anne nga kun makig relasyon man ugaling siya, siguradohon niya kini nga mao na kini ang lalake nga iyang mahalon sa tibuok niya kinabuhi.

Niadtong Sabado sa buntag niapas si Anne sa iyang daddy ug mga ig-agaw nga miuna niya sa Boracay aron magbakasyon.

Senador Bong namalibad, mi-deny

Gipanghimakak na ni Senator Bong Revilla ang tsismis nga dunay nakakita niya ug sa beauty-queen nga si Jo Canonizado sa airport sa Hongkong.

Si Jo kanhi Mutya ng Pilipinas ug hagbay ra nga gilambigit ngadto ni Bong. Ang mga suod sa senador dili pod mutuo sa maong taho tungod kay matud pa nila imposibli nga magdungan gyud silang duha og sakay sa eroplano nga pareho man silang ilado.

Hinoon sama og kumbinsido ang asawa ni Bong nga si Lani Mercado nga tsismis ra gyud ang tanan busa dili tinood. Kini tungod kay sa concert nila ni Sen. Jinggoy Estrada, Phillip Salvador, Rudy Fernandez and Tirso Cruz, III sa Zirkoh Greenhills niadtong Biyernes nagkomedyahanay pa ang duruha.

Suma pa sa PangMasa, guest si Lani sa maong concert ug "I Will Survive," ang iyang gikanta.

Matud pa nga si Bong mismo maoy mipaila ni Lani ug iyang gideklara nga "The Ultimate Survivor" ang nahisgutan, hinungdan nga nangatawa ang audience.

Niadtong Biyernes maoy paggawas sa taho nga dunay nakakita nila ni Bong ug Jo Canonizado sa airport, hinungdan nga mibawos si Lani og komedya pinaagi sa pag-ingon nga "O, nasa diyaryo ka kanina" nga gitubag ni Bong og "hindi totoo 'yun."