Pinoy sa Amerika, wa kauyon ni Rica?

Mi-react ngadto sa beteranang kolumnista sa PangMasa, Manay Cristy Fermin, si Mommy Alice Peralejo kabahin sa mga balitang nanggawas nga matud pa supak ang mga Pinoy sa Amerika kang Rica Peralejo nga mopahigayon og show didto.

Nasayran nga sa Abril 15 gikatakdang himoon ang show sa Las Vegas, kauban ni Rica didto silang Piolo Pascual, Sam Milby ug Pokwang, ug human niini modiretso sila sa Chicago ug sa New Jersey.

Apan ang nanggawas nga istorya mao nga supak ang ubang Pinoy kang Rica ug giuli ang ubang tickets kay wala sila mauyon sa pagkalakip sa aktres.

Wala kahibalo si Mommy Alice kung kang kinsa ug diin naggikan ang maong mga taho, busa nakig-istorya dayon siya sa mga prodyuser sa maong mga shows sa Amerika, nga matud pa dako pod kaayo ang kahibulong kung nganong dunay ingon niini nga intriga.

Dungan niini gitin-aw ni Mommy Alice nga dili tinood nga siya maoy nagbuot nga iapil sila si Sam ug Piolo sa maong mga mga shows.

"Meron pang Sa Piling Mo noon, kinuha nila sa akin si Rica, pero hindi naman puwede dahil may taping nga ng SPM. Sabi ko kay Lerma (producer), para makuha nila si Rica, kunin din nila si Piolo.

"Silang dalawa kasi ang palaging magkaeksena sa series, kaya kung kasama si Piolo, wala ring taping si Rica. Ganun nga ang nangyari noon, yun ang sinasabi kong sa akin nanggaling, yun lang, itong mga susunod, hindi ko inaangkin," asoy ni Mommy Alice.

Samtang gitin-aw sa mga producers sa maong mga shows nga nauyonan sa mga Pinoy ang casting sanglit kompleto kini-komedyante, heartthrobs ug sexy actress.

"Mababait kay Rica ang mga producers, imposibleng sa kanila nanggaling ang mga naglalabasang kuwento rito. Hindi ako naniniwalang masasabi nila yun dahil nakausap ko na sila.

"Ang sabi nga nila, dapat daw e, hindi malambot ang ilong ni Rica sa mga intriga. Ang sabi kasi ni Rica, e, magha-hiking na lang daw siya sa Malaysia instead na mag-show sa States sa April," pagtin-aw niini.

Baywalk Bodies gigamit

Nagbokal ang dugo ni Jeanette Joaquin, sakop sa kontrobersyal nga Baywalk Bodies batok ni Manila Councilor Beljica kay hangtud karon wala pa gihapon matapos ang ilang kasong giatubang human sila nagpose nga super sexy sa Roxas Boulevard.

"Haller, three years na ang kaso, bakit ayaw pa niyang I-drop? Kahapon nga lang, may hearing kami. Siya lang naman ang ganu'n, kung tutuusin, kay Mayor Atienza, okay na, wala nang problema. 'Yun lang, 'yung councilor na 'yun na sino nga 'yun? Di ko siya matandaan," mataray nga pamahayag ni Jeanette sa pictorial sa umaabot nilang show, ang "Xtreme 7".

Paminaw ni Jeanette nga gigamit lang sa nahisgutang konsehal ang Baywalk Bodies para maistoryahan ilabi na nga nagsingabot ang piniliay ug giingong molansar ang nahisgutan og balik.

"Ay naku, sa Circle na lang siya tumakbo, no? Wala siyang botong makukuha sa akin," minalditang pagtubag pa sa mibarog nga leader sa grupo.

Bisan kung magpadayon pa man ang kaso, wala hinoon sila'y gikahadlokan.

"Haller, kung 'yun ngang pinakamabigat na pagsubok, nakayanan namin, 'yung pagkakakulong nga namin sa Guam, 'yan pa?"

Okay na sila karon human sa Guam incident ug kung makabalik mangani sila sa maong nasud, siguradohon gyud nilang dili na mausab ang nahitabo ngadto nila.