Anne, walay date sa Valentines

Walay uyab si Anne Curtis busa wala siya'y date sa umaabot nga Valentines Day, kundili ang iyang igsuong babaye nga muabot gikan sa Australia.

Kini maoy nasayran sa Banat Hugyaw gikan sa usa ka kasaligang tinubdan kinsa midugang sa pag-ingon nga, kontento si Anne sa pagkakaron sanglit walay intriga sa iyang kinabuhi.

Usa ka tuig na nga wala siya'y lovelife. Ang katapusan niyang uyab mao si Paolo Araneta.

Dungan niini gitin-aw ni Anne nga panaghigalaay ra gyud kutob sila ni Luis ug wala gyud nahitabo nga nagkauyab sila.

Gidungag sa dalaga nga mas ganahan siya nga mag-sugod ang tanan sa panaghinigalaay kay diha masukod kung angay ba sila sa usa'g usa o dili, mas ilhan nimo pag-ayo kung kinsa ug unsa siya nga klase sa pagkalalaki.

Walay reaksyon si Anne sa mga balita nga nakig-date si Luis sa ubang mga babaye, ang labing uwahi nga gikataho mao si PDA scholar Irish Fullerton.

Samtang giklaro ni Anne nga dili tinood ang taho nga sila na gyud si Sam Milby, ang co-star niya sa Maging Sino Ka Man, apan gihilom lang aron dili masakitan si Luis.

Matud niya kun tinood pa kini malipay siya kay ganahan siya ni Sam, apan pong pa niya mas maayo nga mo-concentrate una sila sa ilang mga career samtang daghan pang mga projects nga nag-abot-abot.

Suma pa ni Anne, ganahan siya ni Sam tungod kay maayo kining manabi, dili mahutdan og istorya.