Una, " The Greatest Love of Oi" ang hatod namo karong Domingoha ug feeling nako Love is in the air na gyud busa unsa pa inyong gipaabot panglabnot og makaon ug atubang dayon sa inyong mga telebisyon ug kuyogi mi ninyo kay diha nanukad ang inyong Oi barkada sa Mactain Airbase kay nakig-celebrate mi sa 6th Founding Anniversary sa 2nd Tactical Operations Wing nila. Ug take note mga Kabischika, for the first time in my life ha, akong beauty nisakay gyud sa chopper ug kauban nako si Ate Recca! As in halos nahutdan ko og tingog sige og shagit pero worth it labi na nga ang among mga piloto nga kuyog kay mga gwapo sama nilang Captain Nestor Sanchez ug Captain Edwin Remo with Major Gerald Naldoza, Squadron Commander 5052. Layshu gyud kaayo among beauty bisan init ang panahon. Nindot kaayo ang feeling nako pagkahuman.
Pero di lang kana inyong makita kay giubanan pud ta nilang Robert Bernadas, Cherry Gomez, Zandra Tan, Children's Joy Foundation ug sa 2nd Tactical Operations Band sa paghatag og maka-inlove nga mga musika. Dili pud magpaulahi ang atong mga finalist sa Oi! Pop Sensation Showdown nga sila si Melecia Carciller, Lady Michelle Arizabal, Arcelli Bullo ug si Jemenife Ycong sa pagbiniritay. Ang pangutana karon, kinsa kaha sa last batch sa special call back edition nato ang makigtigi ni John Renon Tan? Siya na ba kaha ang mokumpleto sa Pop Sensation Finalists?
Unya watch out sad sa sexy production number nga ihatod sa inyong Oi! chix kauban ang SnapSnipers ug anaa pud ang always busy sa dancefloor nga mga Buzy Buddies. Ang inyong heartthrob nga si Benjamin ug ang inyong Oi! Barkada kay makihataw sab sa dance floor with the Body Extreme Movers and Boys at Move dancers the pride of Lapu-Lapu. Busa tutok lang sa Oi! pagkahuman sa Kay Susan Tayo ug sa dili pa mag SOP. Haaaay, sweetness kaayo Oi!
Oi! Mga kaBischika, ayaw sad diay ninyo kalimti karong February 14, 2007 na ipasalida ang movie from Regal Films and GMA Films nga gibidahan nilang Angel Locsin ug Richard Guteirrez ang "The Promise ". Promise, di gyud mo magmahay sa ka sweet ani nga movie. Basta Regal ug GMA Films na gani ang momugna, wa gyuy sama kanindut. Grabe na ni mga Kabischika busa mao nga dili nato angay sipyaton ang makahugyaw nga lovescene nilang duha. O, diba bisag kauban lang nimo ang imong mga friendship, happiness lang gihapon kay relax kaayo ang imong pamati motan-aw og movie.
Ug maghisgot ta og "Promise" usa sa dili nako makalimtan nga tawo nga ni-promise gyud nako nga mobalik siya kay ang usa sa mga original hosts sa Oi! nga si " Papa Marti Olayvar". Wala ko naglangay og panahon ug ako gyud dayon siya giBischika. Sa mga nangutana kung asa diay gikan si Papa Marti, mao kini iyang tubag "I worked as a US Navy". Di gyud basta basta ning atong Papa. Unya midugang pa siya nga happy kuno kaayo siya nga nakabakasyon siya karon ug wala niya damha nga maka-host siya sa mga big event sa GMA 7 sama sa Kapuso Night ug Sinulog Live Coverage. Gimingaw siya sa iyang showbiz life. Well, sa iyang stay diri, na enjoy og maayo si Papa Marti, infact na miss niya ang Sugbo kay para niya, "There's no place like home". Ug ang Oi! family super miss niya, hilabi na ang mga call time para sa iyang mga taping.
Akong giliko ang among Bischika ug ako siyang gipangutana if naa nabay nakapanag-iya sa iyang kasingkasing ug kini iyang tubag, "wala pa pero naa ra sa Cebu ang babayeng akong gimahal". Hala Oi! murag kaila ko aning bayhana nga gihisgutan ni Papa Marti dah! Kinsa ang buluhan nga babaye? Atangi sa Banat Hugyaw Valentine special karong Miyerkules. "I will always love this girl for the rest of my life, promise," dugang pa ni Papa Marti.
Ikatulo nakong hisgutan karon mao ang pinakabag-ong GMA Telebabad nga magsugod na karong Lunes, ang Super Twins nga gibidahan nilang Nadine Samonte ug Jennylyn Mercado nga makita nato pagkahuman sa Asian Treasures. Ug kauban pud nila diri si Dennis Trillo ug napabalita nga uyab ni Jennylyn nga si Patrick Garcia. Ug naa koy Bischika ninyo kay sa dihang nag guest si Jennylyn sa Oi! to promote her album naa may nag-deliver og fresh pink flowers Oi! Nahugyaw gyud dayon ko so akong gi Bischika ang nagdala sa buwak ug ni tubag kini nga gikan kuno kang Patrick Garcia. Pagkalaysho!
Ikaupat, dili ka angay maguol bisag wala kay ka lovey dovey sa adlaw sa panaghigugmaay kay diri sa Banat hugyaw matag adlaw higugmaon ka sa mga makalingaw nga Bischika ug dili ka pasagdan kay updated ka always sa imong mga paboritong mga artista. Happy Valentines ninyong mga Kabischika!
Happy Birthday diay ni Mark Anthony Bautista, ang Hugyaw nga researcher sa Oi! and to my baby nga si Heart Martha, Happy 2nd Birthday nimo. And Super Thank you nilang Major General Horacio Tolentino,AFP Commanding General Philippine Airforce, Colonel Mario Butch R. Lacson PAF, MNSA Wing Commander 2nd Tactical Operation Wing, Colonel Danilo N. Ferrer PAF. GSC Vice Commander Tactical Operation Command, Colonel Edsgardo C. Mendoza PAF,GSC Deputy Wing Commander 2nd TOW , Lieutenant Colonel Jose G. Mirandilla Jr. PAF,GSC Director for Operation 2nd TOW, Lieutenant Colonel Joven F. Ronan PAF,GSC 560th Air Base Group Commander and Captain Ferdinand M. Orata PAF, DS Director for Civil Military Operation and to all the staff of Mactan Benito Ebuen Airbase.
Mwah!