Album ni Yeng, gold na

Congratulations ngadto kang "Pinoy Dream Academy" Grand Dreamer Yeng Constantino.

Planong sundan ni Yeng ang tunob sa iyang idolo nga si Sarah Geronimo, diin na-starstruck siya human iyang personal nga naatubang sa dihang didto pa siya sulod sa academy house.

Karon susama kang Sarah nga sulod lang sa usa ka semana human na-release ang iyang self-titled debut album sa Viva Records, naka-Gold award na, mao pod kini karon ang kalampusan ni Yeng, diin one-week lang human migawas ang iyang debut album nga "Salamat" gikan sa Star Records, naka-Gold record na siya ug haduol nang mamahimong Platinum.

Very busy karon si Yeng uban sa iyang runner-up winner nga si JayR Siaboc, nga nagsunod sunod ang ilang shows sa Cebu ug Bacolod. Karong Pebrero 10, aduna'y concert ang PDA Top 6 sa ExpoFilipino sa Clark Field, Pampanga.

Karong Pebrero 14, ang Valentine concert nila sa Aliw Theater ug karong Domingo, sa "ASAP '07," dawaton ni Yeng ang iyang first gold record award gikan sa Star Records.