Iwa ug Gian dili uyab

Gibalita ni Iwa Moto nga sila pa gihapon sa iyang boyfriend nga si Yexel Sebastian ug dili tinood nga nagbuwag na sila. Nahibulong siya kung nganong naapil ang pangalan sa co-StarStruck runner-up niya nga si Gian Carlos nga siya maoy hinungdan sa break-up, tungod kay wala kini katinuoran.

Malipayon si Iwa nga wala siya nawad-an og project kay karon kauban siya sa first episode sa "Magic Kamison" kauban niya silang Gladys Guevarra, Nadine Samonte ug Alfred Vargas nga magsugod na karong Domingo, pagkahuman sa "SOP" directed by Khyrss Adalia.

Magkauban pod sila sa "SS 3" co-finalists nga silang Jackie Rice ug Arci Munoz isip new endorsers sa Gandang Ricky Reyes. Dili na siya ganahan nga istoryahan pa ang issue nila ni PJ Valerio kay past na kini ug wala na silay kita-kita ni PJ.

Lani way pahuway inig abot

Sigurado na nga muabot sa February 17 si Lani Misalucha ug magpabilin siya dinhi sulod sa usa ka buwan.

Nalili sa PangMasa ang schedule ni Lani ug labihan gyud niini ka puno. As in walay pahuway si Lani.

Pag-abot pa lang, mo-appear dayon ang international chanteuse sa ASAP. Sunday morning rehearsal dayon para sa show nga live Sunday noon.

Naa pod siyay mga mall tour para mag-promote sa Lani Misalucha album ubos sa Universal Records. Siyempre didto ang autograph signing sessions para sa mga mopalit og album.

Daghan gihapon siyag guestings sa ABS-CBN. Tanang activities ni Lani mo-culminate sa iyang live concert sa Araneta Coliseum inig Marso 17.

"Sa wakas, matutupad ko na ang matagal ko ng pangako sa inyo," mensahe pa ni Lani sa iyang mga fans.