Yeng dako nag ulo?

Nakurat ang Grand Star Dreamer nga si Josephine "Yeng" Constantino ug ang runner-up niya sa "Pinoy Dream Academy" nga si Jay-R Siaboc, dihang dungan nga gipangutana sa PangMasa, unsa ka tinuod nga sila na karon ang magka-love team.

Na-obserbahan nga dihang nagpadayon pa ang PDA close na kaayo sila, pirmi silang mag-istoryahanay ug kauban pang nagluto og para pamahaw. Nakatawa si Jay-R kay pareho silang dili kahibalo moluto ni Yeng, nakat-on lamang sila sa PDA house.

Matud ni Yeng, kung makit-an man silang pirmi magtabi ni Jay-R, gi-share lamang niya ni Jay-R ang family problem nila. Giklaro nilang duha nga walay problema nila kung sila ang gusto sa Dream Big Productions nga himoong singing partners.

Samtang nasakitan si Yeng sa intriga nga midako ang iyang ulo sukad nga nahimong Grand Star Dreamer. Asoy pa ni Yeng, dili gyud modako ang iyang ulo, hangtud sa hangtud siya gihapon ang Yeng nga unang misulod sa PDA house ilabi pa nga wala pa siyay pwedeng ipasigarbo kay matud pa niya nagsugod pa lang siya.

Kung busy na si Yeng sa pag-promote sa "Salamat" album niya ubos sa Star Records, si Jay-R pod nagsugod nang mag-record sa iyang debut album kauban ang Scrambled Egg.

Pero ang naka-excite nila ni Yeng ug Jay-R, kay ang pagsugod na pod sa ilang provincial tour, sa Cebu Coliseum karong Pebrero 2, 2007, nga aside nilang mga Top 6 (Ronnie, Panky, Irish and Chad), special guest nila si Ivan.