Mama ni Regine dunay cancer, tinagalan

Alegre sa sinugdanan ang interview kang Regine Tolentino alang sa bag-o niyang dance video under Viva Video, ang "Dance Latina" apan ang ending nahimo kining sentimental.

Kini human nahisgutan ang inahan ni Regine, si Gina Maristela nga dunay bone cancer pagkakaron, diin stage four na kini. Buot pasabot grabe na ug gani gitagalan na lang sa mga doktor og 6 to 8 months ang inahan ni Regine apan dili sila motuo niini.

Last November ra nila nahibaw-an nga dunay cancer ang iyang inahan.

"Too late na nang nalaman namin, malignant na," pong pa ni Regine.

Matud pa nga nagsugod kini sa pagsakit sa apapangig sa iyang inahan nga pagtuo nila sakit lang sa ngipon busa sigi og pahingo ang iyang inahan. Apan wala mawala ang sakit busa nagpakonsulta na kini og espeyalista, ug nahibaw-an nga cancer of the bone diay ang balatian niini.