Giangkon niya ngadto sa PangMasa nga nakakita siya sa "Hihintayin Kita Sa Langit" kaniadto nila ni Richard Gomez ug Dawn Zulueta, Eric Quizon ug Jackielou Blanco, pero totally different matud pa ang role niya nga susama sa role ni Eric kaniadto.
Matud niya gibase ang character niya sa usa ka lalaking naghigugma og tino-oray pero sayop ang babayeng iyang gimahal. Dihang sa gibisita sa PangMasa ang shooting sa pelikula didto sa Tagaytay, naabtan nga naglakaw-lakaw si TJ kay nag-internalize siya sa role niya nga ang kuhaan mao ang pagkulata kang Angel.
Seryoso si TJ dihang gipangutana sa PangMasa kung unsa kalisud ang eksenang himoon niya, nanghinaot siya nga wala untay trabaho si Angel pagkasunod adlaw human sa shooting kay imposible nga dili tinud-on ang eksena. Pero okey ra man ni Angel, sakit gyud matud pa sa dalaga pero mas maka-react siya ug usa pa, giandam na niya ang iyang kaugalingon sa maong eksenang last scene nga kuhaan ug human na ang movie.
Gitin-aw ni TJ nga per project ra ang contract niya sa ABS-CBN, pero dili pwedeng mobalhin siya sa GMA-7 kay aduna pa siya'y "Pedro Penduko." Ug usa pa magdepende pa kuno kini sa manager niyang si June Torrejon. - Marigold Lebumfacil
Suma pa ni Mylene sa PangMasa mao kini ang rason nga dili gyud kini pwedeng tan-awon sa anak nila ni Paolo Paraiso, si Tomas, kay basin unya og dili masabtan sa bata kung nganong maldita siya kang Charming.
Dungan niini gitin-aw niya nga nindot pa gihapon ang relasyon nila ni Paolo bisag wala na sila mag-uban sa balay. Matud niya kun duna siyay trabaho, si Paolo ang mobantay sa ilang anak. Sa pamahayag ni Paolo nga kun buot siya nga makabaton og ikaduhang anak si Mylene ra gihapon ang buot niya nga inahan niini, tubag ni Mylene nga mao usab kini ang buot niyang mahitabo.
Nagpasi-aw si Paolo mahitungod niini apan matud ni Mylene dili pa usa karon, unya na kung dako na si Tomas nga usa pa katuig ang edad karon.