Sinulog Hugyawan na ni oi!

Hello mga kaBISCHIKA! Lingaw na kaayo ang atong Sugbo karon Oi!, kay daghan na kaayong mga kalingawan ang atong makit-an. Bisan asang dapit kay naa gyuy mga gipangmugna, unya ang atong kadalanan nindot kaayo kay limpyo, unya daghan na kaayong tarpaulin ang gipangtaud nga nagpakita sa mga lain-laing tourist and historical attractions sa Cebu. Aduna puy mga matahom nga mga tanom nga nindot kaayo pagka-landscape. Ang mga nagkalain-laing kumpanya nagpakita 'sab sa ilang kakugi sa pagpanindot sa ilang display sa atong mahal nga patron Señor Sto. Niño.

Usa lang ang gipasabot niini tanan, hapit na ang SINULOG Grand Celebration! O diba? Nindut gyud kaayo huna-hunaon nga ang Cebuanos nagkahiusa gyud to become one community para mag-enjoy sa fun ug revelry sa Sinulog ug to pay homage to Señor Sto. Niño who for more than pila ka hundreds of years has extended His loving protection kanatong tanan. Kanindut gyud Oi! Mao nga mag-celebrate gyud ta ug magpasalamat sa tanang blessings nga miabot kanato sa mga miaging tuig.

Oi! kahibaw ba mo nga daghan kaayong nindut nga kausaban ang nagpaabot karong Sinulog 2007? Oh yes, usa niini mao ang gipatas-ang route para naay more opportunity sa mga spectator to watch the street performances. Ug tungod kay di man gyud malikayan ang kainit nga da sa panahon, tip gikan nako, pagda gyud mo og sun block lotion to protect your skin, sunglasses to protect your eyes, ug face towel para maintain ang atong ka shofa! hehehhehe

Para sa uban nga mas gipili nga sa ilahang panimalay na lang mag-celebrate, tutok lang mo sa GMA 7 inig Enero 21 sa alas otso y medya sa buntag kay ang puwersang Bisdak ug Oi! daghan og gipang-andam alang ninyo.

Pagka-'Bibo' gyud Oi! And speaking of pagka-'Bibo', nag-una gyud ang "Oi" ilabi na kay makita ninyo karon ang labyugan ug sayawan to the max! Manukad mi sa Brgy. Pardo ug dalit namo ninyo ang "Hala Labyug sa Oi!" Labyug diri, labyug didto. Kitang tanan magsaulog, in time sa Sinulog! Kuyugi ang di pauwahi sa sayawan nga silang Oi!chix K, RM, Jill, Karla ug ang mga cuties nga silang Ash ug Jeremy. Sa sexy dance number makihataw ang Fil-Am girl apan from Australia si Jenny Bresser kauban ang Freestylers, Snap Snipers ug DS Bodyflex. Bisitahon pud ta sa naila na kaayo nga San Diego Dance Company. Pagkakuyaw ug pagkabongga Oi! Ug take note, nagkaduol na pud ang atong Oi! Pop Sensation Grand Finals ug karon naapil na sa Bets ng Bayan finalist si Jemenefe Ycong. Kinsa kaha ang mahimong first Pop Sensation sa Sugbo? Tutok lang mga Kapuso.

Ug di lang kana ang angay ninyong tutokan kay karung umaabot nga January 19, 2007 adlaw'ng Biyernes, magkita-kita ta sa SM Covered Terminal alas dos sa hapon hangtud sa alas otso sa gabii para sa among Pit Señor Kapuso Sinulog Celebration. Makauban ninyo ang inyong paboritong Kapuso kiliTV stars sama nilang Alyssa Alano, Francine Prieto ug Keempee De Leon ug 'SUGOD' mga kapatid kay naa pud ang Sandwich! Ug sa January 20, 2007 adlaw'ng Sabado, go gyud dayun sa Gaisano Country mall para sa usa ka mall show with Asian Treasurers star Angel Locsin, alas singko sa hapon, timan-i. Todo nani! Tiaw nyo na, gasunod ang mga adlaw, as in nonstop labyugan!

Kung maghisgut 'tag labyugan, pwerte lang kaha'g pagkalabyug sa akong bat-ang sa dihang nada sa Top 14 sa StarStruck si Hazel Uy. Halos wala ko makaginhawa sa dihang pinakaulahi gitawag si Hazel. Kahibaw ba mo nga sa dihang nahimamat nako si Hazel niadtong mibalik siya sa Sugbo para sa pagpangumpanya sa StarStruck, usa ra gyud ang akong masulti, mapahiubsanon gyud kaayo bataa ug matinahuron gyud kaayo kini. No doubt nada siya sa Top 14 kay para nako na-starstruck gyud ko sa iyang mga gipakita. Sa dihang gipangutana nako siya kung unsa ang iyang gusto nga ultimate title nga madaugan, ang tubag niini mao ang "Ultimate Sweetheart". Para nako, angayan gyud kay bisan sa ka-hectic ug kagrabeh sa schedule niini, makuha gihapon niyang manglambing ug maklaro gyud nimo nga sweet kini. Busa mga kaBischika, kung unsa kahugot ang inyong suporta sa Banat Hugyaw, hinaut nga ingon ana pud kahugot ang inyong suporta para ni Hazel Uy para mahimo siyang Ultimate Sweetheart. Kung duna moy mga paryente sa Manila, hangyua sila nga atong suportahan ang atong manok atol sa nagkagdaiyang Starstruck mall shows didto sa Mega Manila.

Sa laing bahin, makiglabyug pud ang atong Ambassadress of Beauty sa Pilipinas nga si Ms. Melanie Marquez kay bisan unsa ka-busy niya sa iyang mga project ug schedule, join gihapon ang iyang beauty sa Annual celebration sa Fiesta sa Sto. Niño. Take note mga kaBischika, ikaduha na ni niyang balik niining buwana kay diri siya pag-Enero 12 para sa usa ka fashion appearance sa ASEAN Summit kauban ang uban pang mga beauty titlist ug queens, celebrities ug models. Sa Sinulog Grand Fiesta Parade karong Enero 21, siya ang representative sa Psalmstre Enterprises Inc., sa giapilan niini nga Float Competition. Siya pud ang numero unong endorser sa ilang nag-unang produkto karon sa pagpaanyag, ang new Placenta. Pagkahugyaw kay all- out support gyud ang Psalmstre sa atong Beauty Queen Melanie Marquez.