Amor Chicko

Garry: Mga higala namo sa Banatanay nga nahimo na namo nga kapamilya, usa na intawon mi ka tuig ug dako ang akong pasalamat nga gihatagan pa intawon mi og luna ninyo sa inyong kasingkasing pinaagi sa inyong padayon nga pagsuporta sa among Banatanay pinaagi sa pag-react sa mga hisgutanan.

Karon angayan natong hisgutan mao ang pagsulbong na usab aning Cebuanovelas, usa niini angayan tan-awon ninyo sugod karong alas 5:25 ngadto na sa 5:55 sa hapon- Ang bag-o ug lahi nga Cebuanovela nga giumol sa ABS-CBN, mao ang "Amor Chicko" nga bitoonan nilang Charles Christianson, (produkto sa Star Circle Quest 2) isip Chicko ug Eda Nolan isip Amor (cast sa Let's Go).

Isip usa ka Sugbuanon, nalipay gayud ako nga naay sama niining mga Cebuanovela nga gi-umol aron usab kahatagan og exposure ang atong mga local talents. For sure mo-click gyud ning Amor Chicko, Vatski kay atol sa press conference sa miaging Sabado diha sa SM Entertainment Plaza - akong nakita nga makalingaw ang maong istorya - Cinderella story in these modern times. Usa usab kini ka-romantic comedy diin ang ubang eksena sa Dumaguete City gihimo.

Kahibalo gyud mogitik ang batan-ong director, si Jurey Mirafuentes, kung unsa'y gusto natong mga young at hearts. Kinahanglan atong i-patronize Vatski sama sa atong pagpakita og suporta niadtong bag-o lang nahuman nga Milyonaryong Mini.

Vatski: Sakto ka, Gar. Nindot ni nga balita nga naghinay-hinay na pud og balik ang karisma sa mga lokal nga salida sa mga Sugbuanon. Katong mga panahon sa Si Goot da Wanderpol ug ang orihinal nga Milyonaryong Mini, usa gyud to sa mga dili malimtan natong mga bisdak.

Apan kining imong giingon nga Amor Chicko, kay love story man kaha ni, mura'g tan-aw nako maglisud ni og kuha sa kasing-kasing sa mga Sugbuanon, kay ang Si Goot da Wandorpol ug Milyonaryong Mini lahi biya to: makaingon ta maka-relate ang kadaghanan natong mga pobre, gawas sa comedy ang tema niadto.

Sa Amor Chicko gud, kung dalitan lang nimo og loveteam ang mga manan-away, mas maayo pa tingali manan-aw na lang sila'g Angel Locsin ug Richard Gutierrez kun mao man gani na, sulit pa! Dili sa pag-look down sa atong local talents ha, ang akoa ba, kung pareha ra man gani ni sa kanang mga Love 2 Love ug uban pa'ng pa-cute-cute nga salida, dili na lang ta magdahum nga molungtad kining salidaa.

Garry: Nakahinabi nako ang bida ug director sa maong cebuanovela, Vatski. Sa akong pakighinabi, lahi ang iyang set-up sa Amor Chicko sa ubang cebuanovela. Kahibalo ko Vatski nga kitang mga Bisaya, hard to please kita apan kung makadayeg kita, to the max pud kita. Kung imong matan-awan karong adalawa ang unang episode sa Amor Chicko, pwes dako ang akong pagtoo nga magsunod naka hangtud nga mahuman kini after two months. Angayan natong suportahan mga Sugbuanon kay ato kini ug dili nato sawayon. Unya na ta mohukom human kita makakita sa produkto!

Dili lang pa-cute cute effect ang Amor Chicko, Vatski, kay for sure there will be moral lessons nga atong mapupo gikan sa istorya. Busa ako, day-off ko karong adlawa - pwes akong atangan kini karong hapona, busa ayaw sipyata ninyo sa pagtan-aw ha.

Vatski: Ambot lang kay samot nga binisaya kini, kay kini ra bang mga batan-on ang artista OA kaayo molitok sa binisayang pinulungan, mura'g naglisud... nga unta puro man ta ni sila mga bisdak. Pero tan-awon lang na nato, basin mo-click diay ni, di mas maayo. Ug mas labawng maayo kung naa ni bag-o ug unique nga ikadalit ning imong gipanghambog nga salida Gar!

Comments: Duna na ba gayu'y luna ang bisayang soap dramas sa kasing-kasing sa mga bisaya? Ipaambit bang ibalik ang ingon niini nga mga projects o mas layo ra gihapon kini sa mga tagalog teleseries? Ipaambit ang imong panahom ngadto sa 0910-2683713

• Talagang bgay na bumalik ang Sexbomb sa Eat Bulaga dahil mas magaling clang sumayaw hndi ka2lad ng E.B. nga OA. Kung hndi dahil sa Sexbomb matagal nang laos ang Eat Bulaga. 0920-5761108

• Angayan gyud nga mobalik ang Sexbomb sa EB kay tungod sa Sexbomb taas og ratings ang EB din bagay man sad cila ana nga show kay mingaw man sad ta nndot kaau sila mosayaw. 920-2770811

• Na! Ayaw nalang na pabalika ang Sexbomb oi kay laos na man sila, wala na uso. Lahi na pud ang trend karon. Kabantay mo ana? Lau ra kaau sa ACF dancers. 0918-6485836

• Ka klaro oi angayan ang 6bomb mobalik sa EB kay kung wala ang 6bomb na unsaon pagbawi sa ratings nga taas kaniad2. Karon mora najud og tararat. From Mr. Spark. 0918-7282273

• Angayan gyud nga ibalik ang Sexbomb sa EB kay cla gud ang original ug dako sad kaayo ni og ikatabang sa EB pero di sad nila isalikway ang EB Babes kay nindot man sab sila. 0905-8617417

• Para nako, angayan lang nga mobalik sila aron mas makalingaw napud ang Eat Bulaga. Ganahan ko sa 6bomb. 0918-501506

• Yap, anagayan jud mobalik ang Sexbomb sa Eat Bulaga. 0921-3613704

• Mas maau gyud ang Sexbomb kay daghan madani sa ilang performance. Sukad na wala ang sexbomb sa EB, mi-ubos ilang ratings. Bati man ilang pamaagi karon kay sa before. From Fred. 0915-7614801

• Hoi nanaway uroy nang Vatski2x sa Wowowee. Nganong wala pa ang wowowee kinsay nag-una sa pera or bayong? Kanang EB nag duka kaau mga antique nga way au ang mga hosts. 0916-7876087

• Wa man magtakilid ang Eat Bulaga den mas maayo pa ang EB Babes kay mga beauty unya mga K pa gyud. Pwede na dili mobalik ang Sexbomb. 0917-2018545

• Wala na gyud lami ang Eat Bulaga karon tungod sa ilang bag-o nga dancer nga Eb Babes kunohay, pweh wala'y au. We want Sexbomb back right now. From Anik of Dalaguete. 0920-8474505

• Nindot gyud kaau og pabalikon nilang Tito, Vic and Joey ang Sexbomb sa Eat Bulaga kay nindot sila og mga dancer! Usa pa nakatabang sab sila sa noontime show sa ratings. 0918-2206343

• Para nako kung ang Sexbomb pabalikon sa EB mura sila'g gigamit sa management and staff sa EB kay u know taas ang ratings karon sa Kapamilya. 0919-3741786

• Bsan mobalik pa ang Sexbomb dili na gyud mobalik ang nice nga rating sa EB. Accept nalang gud diha Vatski na laos na ang Eat Bulaga. 0928-7706017

• I think dili na kinahanglan pang mobalik ang Sexbomb sa EB. Daghan n man sila og rakets, problema na na sa management sa EB aron pagbangon sa ilang ratings.0915-8640477

• D unstoppable and d undisputed No. 1 entertainment column, the Banatanay. Actually, even ang Sexbomb mobalik man o dili sa EB stil strong ang EB then basically, no. 1 man gyud ang EB for almost 25 years. From Raymund. 0919-2299300