Angel ug Oyo nagdulog, walay nahitabo

Gilauman na ni Angel Locsin nga daghang motaas ang kilay tungod sa gisulti sa iyang uyab nga si Oyo Sotto nga nagtupad sila sa pagpangatulog apan walay nahitabo nilang duha.

Matud sa actress nga gilauman na gyud niya nga daghang dili motuo niini. "Expected ko na rin po 'yun na ganyan nga ang mangyari. Kanya-kanya kasing paniniwala o opinyon ang mga tao at wala na naman akong magagawa kung may mga taong ayaw maniwala" matud pa sa bida sa MP5 nga nahinabi sa PangMasa.

Nagkaistoryahanay na si Angel ug Oyo kabahin sa maong isyu apan wala basola sa actress ang iyang uyab sa gipanulti niini tungod kay igo lang kining misulti sa tinuod.

"Si Oyo kasi ay hindi showbiz na tao. Napaka-honest niya talaga at kung anu 'yung totoo, 'yun ang sasabihin niya at wala siyang pakialam kung ano ang iisipin ng iba", depensa pa ni Angel sa iyang uyab.

Apan bisan pa sa pagkamatinod-anon ni Oyo, daghan gyud ang dili motuo sa iyang gisulti apan gi-deadma lang kini sa duha tungod kay dili sila gustong magpaapekto sa mga gihuna-huna ug gipanulti sa uban.-

Tatlong Baraha "kulelat"

Nalingaw ang mga reporter sa showbiz sa ilang mga tabi-tabi kabahin sa nine entries nga naapil sa MMFFP '06 tungod sa namugna nila nga fearless forecast unsa nga mga pelikula ang mangharos ug unsa usab ang "kulelat."

Matud pa sa usa ka gay scribe nga "hindi na pwedeng bawiin, naka-pwesto na sa no.10 slot ang "Tatlong Baraha" ni Lito Lapid" hinungdan nga nahugyaw sa pagpangatawa ang mga showbiz reporter.

"Imagine, the height ng pang-iisnab at pagtataray na siyam lang naman ang entries pero sa no.10 inilagay ang "Tatlong Baraha?," pasabot pa sa usa ka reporter.

Ang no.9 slot bakante pa matud pa hinungdan nga misamot ang ilang paghugyaw og katawa.

Ang uban mitagna nga ang "Ligalig" sa CM Films maoy mahimuntang sa no. 8 slot tungod kay wala kaayo kini promo ug mismomg mga reporter wala masayud kalabot sa maong pelikula.

Para sa mga reporter ang top 5 mao ang Enteng Kabisote, Super Noypi, Zsa Zsa Zaturnnah Ze Moveeh, Mano Po 5: Gua Ai Di ug Shake, Rattle and Roll 8.

Mother Lily P200 M ang gasto

Mikabat sa P200 milyones ang nagasto ni Mother Lily Monteverde para sa iyang entries nga Fantastic Four sa MMFFP '06 apan walay pagmahay niini ang Regal Matriarch tungod kay gusto niya nga mabatyagan sa mga pamilyang Pilipino ang diwa sa Pasko pinaagi sa iyang mga pelikula.

Bisan og nabuslot ang bulsa ni Mother Lily apan nahimo niyang konsuwelo ang mga pagdayeg sa iyang Fantastic Four ug karon pa lang giingon na nga kusog nga contenders para sa Best Picture ang maong upat ka pelikula.

Sa technical awards sama sa Visual Effects, Production Design ug Sound lig-on nga mga contender ang SR&R8, ZZZZM ug Noypi.

Ug siyempre sa acting awards lig-on ang pakigbugno ni Lorna Tolentino para sa MP5, Rustom Padilla, Zsa Zsa Padilla ug Pops Fernandez para sa ZZZZM, Richard Gutierez ug Angel Locsin para sa MP5.

Pangandoy ni Angel nga ang MP5 maoy maghatod kaniya sa unang acting trophy ilabi na nga gipuga gyud siya og maayo niini ni direk Joel Lamangan.