Laing putahi dalit sa Star Cinema

Unang semana pa lang gani sa Disyembre, nanawag na si Josie Pereyra kay moadto unta mi sa Tagbilaran City niadtong milabay nga Disyembre 14, kay may show sila si Ryan Agoncillo ug Judy Ann Santos didto, ug magkuyog mi sa pagpaingon dinhi. Mipasalig kong Josie, nga mokuyog gyud ko, ug magkuyog pod mi sa pagpaingon dinhi diin ang ubang mga showbiz reporters nagpaabot unta namo.

Apan dunay nakapakgang sa nindot nga plano, kay Christmas Party man sad diay sa mga talents sa Cebu Catholic Television Network, busa sayo pa lang, mi-text na ko ni JSP ug giingnan nako siyang dili ko makakuyog niya sa Tagbilaran, ug motipon na lang ko sa ubang mga showbiz reporters nga mosugat nila. Unsa mang pagka unsaa, nga Huwebes pa lang gani, naglain na man ang akong tiyan, nag-rebulosyon sa ilawom, busa mi text pod kong Pepe, ang nagmugna sa among number, nga dili gyud ko puwede, kay naagnas na gyud ko, bedridden [as wished by someone close to Lollypop Ouano Dizon]. Gikan pod unta didto sa CCTN, molahos na sad ko sa Parklane Hotel, para sa Christmas Party sa The Freeman/ Banat News, pero unsaon man?

Nahibaw na sad hinuon ko daan nga lahi kining "Kasal, Kasali, Kasalo" nilang Judy Ann ug Ryan Agoncillo kay sa ubang mga entries sa Metro Manila Film Festival nga kadaghanan, fantasy ug horror, busa gipasaligan nako si Miss Josie nga wa siyay angayang kahadlokan sa iyang pelikula kay lahi kining dalit sa Star Cinema, gawas nga de kalidad ang mga artista kay gawas nilang Juday og Ryan, naa sila si Gina Pareno ug Gloria Diaz.