Michelle, 'dili ko bigaon'

Giangkon ni Michelle Madrigal nga naka-adjust na sila ni Victor Neri sa ilang relasyon.

Dili malikayan nga magkabangi ang duha tungod kay daku ang deperensiya sa ilang mga edad diin si Michelle 18-anyos ug si Victor 29.

Matud ni Michelle nga nakasinati na sila og adjustment ni Victor diin dili basta-basta nga makabaton sila og relasyon.

Gitataw ni Michelle nga nasulbad na ang ilang mga naagiang kasamok sa ilang relasyon.

"Right now, I'm happy with him" matud ni Michelle. Gibati og kasagmuyo si Michelle sa iyang mga nabasa diin gitawag siyang "flirt".

Matud ni Michelle nga dili unta siya hukman ilabi na sa mga tawo nga wala pa gyud makaila kaniya.

"Sa totoo lang, I get offended talaga. Kasi people just see what's on the outside and not who I am inside. They may see me with guys but I'm just being friendly" ni Michelle pa.

Depensa ni Michelle sa iyang kaugalingon "hindi naman ako masamang babae. Kasalanan ko ba kung nilalapitan ako ng mga guys?'

"I don't have to be sorry for that, di ba?. Sa mga nagsasabi na malandi ako, kilalanin muna nila ako. I'm a good girl and I'm not what they think I am".

Wala pa ma-meet ni Michelle ang anak ni Victor nga si Vito tungod kay matud pa niya dili pa panahon karon nga ipaila siya sa iyang uyab ngadto sa anak niini.

"I understand Victor because baka nga naman maguluhan ang bata, baka kasi magulat ang bata dahil iba na naman ang girlfriend ng daddy niya, darating ang time na makilala ko ang bata".

Si Michelle maoy ka-love triangle nila ni Richard Gutierrez ug Angel Locsin sa Mano Po 5: Gua Ai Di (I Love You) sa Regal Entertainment.