Sandara wala na makilig ni Joseph?

Nahupas na daw ang kilig ni Sandara Park sa dihang magkita sila sa iyang boyfriend nga si Joseph Bitangcol.

Buot kaha niya pasabot na wala na siya mahigugma kang Joseph?

"I don't think so," matud pa ni Sandara. "If at all, feeling ko, mas lalo kong mahal si Joseph ngayon. Wala na sa isip ko na guwapo o, popular siya. Ngayon, kahit nakikita ko siyang bagong gising. O, di kaya, pareho kaming pawisan after work. Love na love ko pa rin siya," rason sa koreanang aktres.

Daghan ang nangutana kung magkadayon ba gayud silang duha, dali dayon kini niyang gitubag nga "I hope so. Although di ko naisip na puwede na kaming mag- pakasal ngayon. I'm only 22."

* * *

Nanghinaot si Sandara nga sa sunod tuig, mahibalik kaniya ang nahupas niyang popularidad.

Feeling daw niya, makabuhagay ug makahimo siya og dakong atraksyon sa iyang role isip gifted with super power sa Regal Entertainment Metro Manila Filmfest (MMFF) entry nga Super Noypi.

Iyang giangkon nga ang iyang dakong pantasya mao aduna'y super powers.

Apan bisan pa sa iyang super power role sa Super Noypi, dili pa hingpit nga malipayon ang koreanang aktres - una maglisod pa siya pag-win back sa iyang mga followers ug ang iyang problema'ng financial.

Hinuon, matud pa ni Sandara, hinay-hinay nang nasolbad ang problema sa iyang amahan mahitungod sa utang.

Kung atong mahinumduman, si Sandara maoy breadwinner.

Ang Super Noypi maoy unang pelikula ni Sandara gawas sa Star Cinema, usa ka sister outfit sa ABS-CBN, diin ubos siya sa maong kontrata.

Tungod niini, malipayon si Sandara nga iyang makauban ang pipila ka mga GMA talents sama nilang Jennylyn Mercado, Mark Herras, Katrina Halili ug Polo Ravales.

"Mabait naman sila sa akin lalo na si Mark, na pinatatawa niya ako kapag alam niyang pagod na pagod ako," matud pa ni Sandara. - Garry B. Lao