Tingog Bisaya sa SSS grounds

Rock-rakan na sad ala Woodstock diha sa SSS grounds sa Jones Avenue (kon Osmeña Boulevard) karong Nobiyembre 30 hangtod Disyembre 2 pinaagi sa "Tingog Bisaya" event nga pagadumalaon sa hinugpong nga pwersa sa e+ productions, Touch Mobile ug San Miguel Beer.

Sa unang hugna sa tulo ka gabiing rock-rakanay, manukar ang The Agadiers, Agipo, Assembly Language, Gangrene, Indephums, Makadawa, Mantequilla, Mr. Pepper, Ossified, Phylum, Session of the Fighters, Stonestomp, D Kazins, Wet Slipperz ug What's The Frequency. P50 ang entrance fee, tickets available at the gate, ug may ipanghatag nga free TM SIM pack with 50 free texts sa unang 1,500 ka mga tumatan-aw. Sa raffle draw, tawagan ang numero sa mahulbotan nga SIM bed. Upat ka Nokia brand new phones ang ipanghatag, t-shirts and caps, ug duha ka Panasonic DVDs. Magsugod ang concert sa alas-singko sa hapon.

Sa Disyembre 1, manukar ang Voice Box, Grassroots, SRO, Indephums ug Gangrene. Tag P30 na lang ang tickets plus free beer. Ang usa sa duha ka units sa DVD i-raffle off ning gabhiona. Samtang sa Disyembre 2, manukar ang Interact, Suburbia, Phylum ug Mantequilla kauban ang Crown Royale nga nainila sa ilang cover version sa mga tracks popularized by US pioneer reggae-contemporary gospel music band "Christafari". Tag P30 gihapon ang tickets with free beer.

Aduna'y mahitabong band camp aron matagad sa mga taga-banda ang ilang mga supporters. Matag band booth may kabaligyaan usab sa ilang albums/CDs and other merchandise susama sa shirts, keychains, uup. Alang sad sa proteksyon sa tumatan-aw batok sa pagbundak sa ulan, kinse ka 10 by 10 square tents ug upat ka parachute tents ang i-set up sa organizer atol sa maong concert nga ang beneficiary mao ang Cebu City Task Force on Street Children, usa ka brainchild ni First Lady Margot Vargas-Osmeña. Kining tanan nahibalo-an atol sa gihimong presscon nga gitambongan nilang Peter Paul Mark Maceda sa e+ productions kauban si Wigi Colmenares, usa sa nag-design ug nag-conceptualize sa maong event. Mitambong usab si Gikom Crystal, ang representante sa TMG Globe Telecom ug si David Aguilar sa San Miguel Beer aron sa pagpasabot sa rationalé sa maong kalihukan.

Nindot kaayo palandongon nga tumong sa mga organizers nga makita ug i-tap ang potential sa mga local musicians/artists. "What the event aims to accomplish is to present to the local community the strength of Cebuano artists and from there realize other prospects," mao kini ang gibuhiang pamahayag ni Mark Maceda atol sa presscon. Usa niining maong prospects ang akong gidamgo nga compilation sa mga selected songs of local bands. Pagka-nindot unta kon madayon ang maong proyekto basi sa resulta ning maong panagtapok ug panag-rock-rakanay.

Pinaagi sa tulumanong "BisrocKabataan", aired over 93.1 Smash FM, nahibaw-an gikan kang Wigi Colmenares nga ang Mr. Pepper maoy mohulip sa Kabobo tungod sa hectic nga schedule sa naulahi nga kansa may mga sakop nga nursing students.

Guest usab namo ni DJ Ram niadtong Lunes ang The Agadiers nga usa sa mga featured bands sa unang gabii sa Tingog Bisaya. Ang pinakahugyaw mao ang pagtikang sa estasyon sa ilang amahan, mentor, driver, yayo, ug manager rolled into one nga si SPO1 Meliton Agadier. Ugma atangi ninyo ang excerpt sa maong pakighinabi sa The FREEMAN kay ang magsoong Alain, Adrian, Allan John ug Ariel kauban ang ilang mga ig-agaw nga sila si Pete Cabatingan ug Tapeny Chavez maoy featured band sa Entertainment page. Busa, atangi. Walang kukurap kay padayon ang atong pagbugsay-bugsay ning kalawran sa musika sa Sugbu.

Ang D'Kazins manukar usab alang sa free concert ni Ms. Pilita Corrales ug Jimmy Marquez sa USC-main campus gym sa Disyembre 2 sa 6 pm featuring mga Visayan songs. Alang kini sa Dalit Bisaya cultural festival nga gi-organisar ni Rev. Fr. Roderick Salazar, Jr., SVD, ang presidente sa USC ug sa Kapunongang Bisaya sa Manila. Ang tema mao ang "Panaghiusa Pinaagi sa Kultura". Sa Disyembre 1, mahitabo ang usa ka exhibit side show sa SM Trade Hall ala una sa hapon. Ang maong exhibit mo-feature og indigenous arts and crafts, delicacies, literature, history and architecture, cultural show sa mga indigenous dance, music and poetry. Aduna'y pagahimoong symposium on Cebuano heritage and culture sa Buttenbruch Hall sa USC-main. Speakers silang Dr. Jocelyn Gerra sa dugukang "Ethnography, Basak Blacksmiths: A Glimpse of Cebu's Past"; Architect Melva Java sa "Cebuano Heritage: Issues and Concerns", Dr. Francisco Nemenzo sa "Future of Visayan" ug Dr. Jose Abueva alang sa dugukang "Bisaya in the Global Filipino Nation". Libre ang maong mga pasundayag ug ingon man ang exhibit sa SM Trade Hall.

Bugsay...bugsay MessageBoard

"Ang ubang Bisrockers miingon nga Bisrocker kuno sila where in fact mga novelty songs man ang ilang gikanta. Ang Missing Filemon ra'y nakita nako tinuod nga ulo ning Bisrockers sa Sugbu. Dili lang tingali liriko ang palamboon kun dili hasta sad ang musicality sa mga Bisrock songs. Ang MS maoy nag-una samtang ang uban mga underrated copycats lamang. Ang MS mao ang nagtukod samtang ang uban maoy tigguba sa the real rock school nga Bisaya. Sa akong napanid-an, ang ubang nagsulat og Bisrock songs kuwang sa poetic sensibility ug mastery sa lingguwaheng Binisaya. They resort to binastos aron makuha ang pagtagad sa publiko. Artistry is not binastos, it is the dedication to the craft. Day Pinay, duna sad ko'y gisulat nga mga Bisrock songs alang sa grupong Radstuff. Nagpadayon pa sila'g andam sa ilang album. Lagmit ten cuts tingali ang sulod at the maximum. I penned "Flyover", "Temperatura", etc. Maayo ning uso ron sa Sugbo kay makawaling ni sa atensyon sa mga kabataan. Pero bantayan lang nato kay kini ra bang rocks ug drugs maoy maayong partner. Atong i-stress sa kabataan nga yes to rock ta, pero no to drug abuse." - Tomas Sumakwel, (titoitsoy@yahoo.com)

"Gr8 ko sa Isuya boys, nilang Devon, Bordz, Ghanz, Polog, Apple Pie, Isay, Danz, ug Parat. From Dongkey. Request lang ta ko'g Blue or Pink sa Damian Paniki."

"H! sa mga pepz. I want 2 greet my frndzshipz at St. Alphonsus C2lic skul. C 4-O Caneanz Rockz." - From Miray

Mo-hello sad ko sa tanang BA Comm students sa Cebu Normal University. Labi na ni Christine. Ug haller sad ni Marvin sa Maslog, Danao. Rock on, Sugbuanon!