Pops midapig ni Gretchen

Gumikan kay solo ni Pops Fernandez ang presscon sa milabay'ng gabii sa "Zsa Zsa Zaturna" nakapahimos ang entertainment press og pangutana og maayo.

Lakip sa away ni Gretchen Barretto ug Dawn Zulueta gipangayoan usab og komento si Pops sa mga sakop sa prensa.

Apan wala kaayo mohatag og pamahayag si Pops kabahin sa bangi sa duha.

Matud ni Pops nga wala siya sa giingong photo shoot kung diin nahitabo ang giingong subling wala pagsinabtanay ni Gretchen ug Dawn.

Gikataho nga nag-primadonna si Greta sa maong photo shoot.

"Commercial lang yan, ha? Mas exciting siguro kung pelikula na. Abangan n'yo" komediyang tubag ni Pops.

Apan mipakita og pagdapig si Pops ni Greta kay matud pa niini nga "siguro naman, wala namang bad intention si Gretchen. I don't think naman na nag-primadonna siya."

Ang nahibaw-an ni Pops mao nga super-excited si Gretchen nga himoon ang maong proyekto.

Ang Concert Queen nagkanayon nga wala siya'y kalibutan kung mapadayon pa ba ang "Desperada" kinsa sila si Gretchen, Dawn ug Ruffa Gutierrez ang magkauban unta sa maong pelikula.

Ang Regal nangayo na sa schedule ni Pops para sa pelikula apan kada-adlaw nag-usab-usab ang mga hitabo.- Brenda D. Batuto