Victor nausik sa Super Noypi

Conflict sa schedule ang gikatarungan ni Victor Neri nganong iyang gibalibaran ang "Super Noypi." Matud pa niya dungan ang shooting alang sa "Bakekang" ug sa Super Noypi hinungdan nga gibasura niya ang naulahi.

Gipasabot ni Victor sa PangMasa nga nauna og hatag og schedule ang GMA-7 hinungdan nga kini maoy iyang gipili. Giangkon niya nga giusikan siya sa Super Noypi sanglit entry kini sa MMFF.

Hinoon kon dunay nawala duna usay napuli tungod kay apil man si Victor sa "Ang Pamana, The Inheritance" nga ubos sa Toronto-based production, Digital Sweatshop, Inc. diin apil usab si Phoemella Barranda ug mga actors and actresses from Canada.

Ang nahisgutan nga pelikula gihatagan og "A rating" sa Cinema Evaluation Board busa daghan na ang naintriga nga motan-aw niini. Ubos kini sa direksyon ni Romeo Candido.