Kempee happy alang ni Pauleen ug Marvin

Matud pa ni Kempee de Leon nga malipayon gayud siya alang kang Pauleen Luna ug Marvin Agustin kung tinuod man gani nga adunay relasyon ang duha.

"Kung masaya sila, okay lang sa akin," asoy pa ni Kempee sa dihang nahinabi sa PangMasa sa pictorial sa "Shake, Rattle and Roll 8."

Gitino niya nga wala siyay kalagot bisan pa man og gipugngan ug giingnan siya sa mga ginikanan ni Pauleen nga hunongon na ang pagpanguyab niini.

"Hindi ko rin alam kung bakit, pero siguro, hindi ako 'yung tipo ng lalaki na gusto nila para kay Pauleen," butyag ni Kempee.

Karon, iya na gyud gisulti nga dili na siya sa mga teenagers. Gisungog pa siya sa mga tsikadora nga iya naman nang nabutyag human ni Christine Reyes pero suma pa ni Kempee, tinuoray na gyud kini sa pagkakaron. Dugang pa niya nga wala pa siyay nakita nga bag-ong panguyaban apan iya usab gitino nga dili siya gusto mahimong ulitawo nga tiguwang.

Si Kempoy usa sa mga cast sa "LRT" episode sa "SR&R 8" uban ni Manilyn Reynes. Asoy pa niya nga una kini nilang panag-uban sa pelikula ni Mane nga uyab niya kaniadto.