Marvin, mananagna?

Dili gustong hunahunaon ni Marvin Agustin nga duna siyay "vision of things to come" ilabi na kon may kalabutan kini sa mga butang nga dili niya buot nga mahitabo.

Suma pa sa PangMasa nahisgutan ang maong topic gumikan kay apil man si Marvin sa horror movie nga "Wag Kang Lilingon" sa Star Cinema.

Pwes nabanhaw sa panumduman ni Marvin kadtong didto siya sa iyang hotel room sa Legaspi City, diin siya ug ang grupo sa mga Star Circle (now known as Star Magic) talents gidapit alang sa usa ka personal appearance.

Suma pa niya nga that time, gialimut-an siya og maayo bisan pa man tuod og nag-inusara ra siya sa lawak ug kusog ang aircon.

Hinungdan nga namaypay na lamang siya aron maibanan ang kainit. Taud-taud nakahunahuna siya nga mogawas sa lawak ug mao na lamay iyang nahibaw-an nga naputos na sila sa aso tungod kay nasunog ang hotel, apan naguba ang fire alarm busa dili tanang guests ang nakabantay sa nahitabo.

Pwes matud ni Marvin nga iyang dali nga gituktok ang iyang mga kauban. Matud pa niya nga nana siya sa ubos sa hotel dihang nakita niya si Kaye Abad ug ang inahan niini diin abli ang bintana sa ilang lawak. Kauban nila ni Kaye si John Lloyd Cruz nga medyo nalipong na.

Mihangyo siya sa usa ka hotel staff nga butangan og hagdanan aron makanaug sila si Kaye ug mga kauban. Apan bisan pa og duna nay hagdan, wala manganaug ang mga nahisgutan.

Taud-taud mao na lamay iyang nakita nga nagdaling minaug si John Llyod nga nag-alsa ni Kaye diin nagsunod usab ang inahan sa dalaga.

"That was one experience I will never forget," pong pa ni Marvin. "That was one time when I thanked vision. Anything, after all, could have happened to me. Or, of any of my fellow Star Magic talent."

Anak ni Piolo ang bida

Dako na ang bata nga maoy midala sa papel nga anak ni Piolo Pascual sa pelikulang "Till There Was You," diin bida usab si Judy Ann Santos.

Butyag pa sa PangMasa nga ang name sa bata mao si : Elisa Pineda. Seven years old pa si Elisa niadtong panahona.

Karong midako na siya ug sa pangidaron nga 11, misamot siya ka guwapa.

Pwes ang ABS-CBN wala mag-usik og higayon ug Si Elisa maoy ilang gihatagan sa lead role sa bag-ong teleserye, Maria Flordeluna.

Gipangutana kun giunsa niya pag-angkon ang maong role ug dali kining mitubag nga: "Nag-audition ako."

Matud niya napu sila tanan nga mi-audition ug siya maoy napili.

Si Vina Morales ang iyang mommy sa Maria Flordeluna nga mamatay sa sayo nga bahin sa teleserye.

Ug ang modala sa papel sa iyang ina-ina nga maoy modaug-daug niya ug sa iyang manghod nga hatagan og kinabuhi ni Nash Aguas, mao si Eula Valdez. Samtang si Albert Martinez ang ilang papa. Si Jerry Seneneng ang direktor.

Kahinumduman nga sa daan nga Flordeluna, si Janice de Belen ang midala sa pangidaron nga 12. Si Herbert Bautista usab ang iyang manghod.