Marvin gisabotahe sa ABS-CBN?

Tungod lang sa pelikula nga "Wag Kang Lilingon," mituntong og balik si Marvin Agustin sa ganghaan sa ABS-CBN sa dihang nagpa-presscon sila alang sa ilang pelikula bag-o pa lang.

Pipila na usab ka buwan nga wala misangyad ang mga tiil ni Marvin sa compound sa nahisgutan'g istasyon nga nahimo na niyang panimalay sulod sa 11 ka tuig. Samtang wala man sad siya'y kalagot sa network maong mitunga gayud siya sa presscon.

Apan aduna pa'y mga gagmay'ng hungihong nga gi-sabotahe si Marvin sa dihang nahibaw-an nga wala siya'y picture sa press kit nga gipanghatag sa Star Cinema.

Pero in fairness to the actor, wala man sad siya'y giisip nga ingon niana. Ug wala usab siya gi-sabotahe kay samtang on-going ang presscon, nanghatag man sad ang staff og mga picture niya. Wala lang na-print out sa mas sayo maong na-delay ug wala siya naapil sa unang mga picture.

Sa laing bahin, ang "Wag Kang Lilingon" so far, mao ang katapusan nga pelikula ni Marvin sa Star Cinema. Hinuon, pwede pa man usab siya makatrabaho sa nahisgutan'g film outfit sa mga umaabot nga panahon pero sa pagkakaron, dili pa kay si Orly Ilacad ang nag-handle sa iyaha maong sa Octoarts Films nga mga pelikula siya sagad nga makita.

Ang "Wag Kang Lilingon" usa ka co-production sa Star Cinema ug Viva Films nga makita na nato sa mga sinehan karong November 15. Anaa sa "Ospital" episode si Marvin kauban ni Anne Curtis samtang si Kristine Hermosa makita sa "Salamin" nga episode. --Rhea A. Papas, Correspondent