Raffi bag-ong bossa nova artist

Sukad misulbong ang bossa nova dinhi sa nasud, milugwa usab ang mga bag-ong mga mangantahay sa mga sama niani nga musika.

Nag-una na diha si Sitti diin ang iyang kaugalingon nga album, mihalin gayud. Anaa usab si Julia Duncan, gawas nga beauty queen ang panagway, gusto usab molinya sa mga bossa nova diva.

Apan mas interesante matud pa ang bag-ong lugwa nga bossa nova album ni Raffi Quijano sa Viva Records. Kini tungod kay tanan nga kanta sa iyang CD, mga orig nga Pinoy nga gidohugan og bossa nova arrangements.

Suma pa sa mga nakadungog nga mihaom gayud sa iyang sweetly sexy voice ni Raffi ang iyang "Manila Blend" nga CD nga gi-produce ni Alwyn Cruz ug gi-arrange ni Victor Oria.

Sumala pa sa PangMasa, nakatapad pa nila sa launching ang bata pa kaayo nga record producer, hilom lang kini'ng mitan-aw sa maanindot nga performance ni Raffi. Gani, sa iyang sobra nga concentration sa pagtan-aw, wala na siya makakaon pa sa panihapon.

Samtang, matag bossa nova nga kanta ni Raffi, sipa gyud ang pakpak nga gikan sa mga mitan-aw sa album launching didto sa Eastwood City Plaza sa Libis. Ang maong mga kanta mao ang Everyday, Don't Know What To Say, Sa Aking Pag-iisa, O Lumapit Ka, Till I Met You, May Minamahal, Love Without Time, You Won't See Me Crying, Ikaw Pa Rin, Ikaw Lamang, Tag-araw Tag-ulan ug Friend Of Mine nga mao usab ang carrier single.

Matud pa sa PangMasa nga kinahanglan gayud sa bossa nova artist, gwapa ug sexy pareha ni Raffi.Si Raffi lumad nga taga-dakbayan sa Sugbo.