Mga lalaki sa kinabuhi ni Anne

Dise-sais anyos pa lang si Anne Curtis niadto sa dihang iyang na uyab si Chubi del Rosario. Pero come to think of it, asa na kaha karon si Chubi? In any case, pong pa ni Anne nga wala gyud magdugay ang ilang relasyon ni Chubi. Obvious nga puppy love lang ang nabati sa duha niadto.

Samtang si Oyo Boy Sotto, nahimo'ng buotan usab nga uyab ni Anne kaniadto. Apan, dili lang gyud sila alang sa usa'g usa matud pa tungod kay sa wala lang damha, nagkabuwag na sila.

Sukwahi sa mga spekulasyon, sumala pa ni Anne, wala mahitabo nga nagkauyab sila ni Cogie Domingo. Wala man gani kini nanguyab kaniya, higala lang gyud sila. Misulti lang siya sa tinuod niadto. Apan sa dihang nag-away si Oyo ug Cogie sauna, tungod kay nagselos si Oyo, iya lang nasulti ni Oyo nga nanguyab si Cogie sa iyaha.

Sa pikas bahin, pag-angkon pa ni Anne nga pangandoy lang niyang mahimo'ng boyfriend ang Captain Barbell nga si Richard Gutierrez. Buotan man gud si Richard, gawas niana pinangga usab siya sa pamilya sa nauna. Kini mao ang hinungdan nga hangtod karon, close siya sa pamilya ni Richard hilabi na sa inahan niini nga si Annabelle Rama.

Maong dili na ikahibulong nga sa dihang nagsaulog si Annabelle sa iyang bag-o lang nahuman nga adlaw'ng natawhan, siya mismo ang miimbitar ni Anne. Nga gitunga usab ni Anne bisan pa man busy siya sa iyang mga schedule.

Sa laing bahin, si Paolo Araneta nga dili taga-showbiz, pero anak sa usa ka artista nga si Maritess Revilla, ang labing dugay nga nauyab ni Anne. Napulu ka tuig ang pagkamaguwang niini kang Anne maong ang nauna na ang nagdala sa ilang relasyon. - Rhea A. Papas