Pagsulbong sa masanag nga bitoon

Matag Domingo, ang iyang masanag nga dagway ang usa sa mga maaninaw diha sa Oi Show Nato Ni sa GMA-7 Cebu. Alegre, puno sa kadasig, mapahiyomon ug abtik. Siya si Recca Menchavez, nga mas naila sa kadaghanan isip Ate Recca. Sa usa na katuig niya nga paglugwa sa telebisyon duna pay mga detalye sa kinabuhi ni Recca ang wala masayri sa tanan. Ug karong adlawa sanglit sumad sa iyang adlaw nga natawhan, hukaron sa iyang bestfriend nga si Yuri ang maong mga detalye aron masaw-an natong tanan. Pahiluna aron maki-bischika sa ilang istoryahanay.

Yuri: Ihulagway imong kaugalingon 10 years ago, sa dili pa ikaw ang Ate Recca nga makit-an namo sa TV.

Recca: "Boyish kung manamit. Lu-ag nga pants, oversize shirts ug rubber shoes."

Yuri: Dili nako ma imagine si Ate Recca nga boyish, but true! Ti-aw mo na Corps Commander pag-high school sa Saint Theresa's College.

Yuri: Giunsa man pagka-change sa imong life? From a boyish you to a pretty lady you.

Recca: "Believe it or not, sa Larsian ko nadiscover. Si Vince Baguio ug Owen Taboada ang naka discover nako."

Yuri: At the age of 15 she started joining beauty contests. Miss Cebu 2004 2nd runner-up ang matud pa niya nga last na gyud niyang rampa sa mga beauty contests. Ang maong title usab ang ma-consider niya nga usa sa mga great achievements, lakip na niini ang pag-graduate niya as cum laude sa kursong Business Administration sa University of San Carlos.

Yuri: Let's go ala slumbook. Unsay mga paborito nimo Ate Recca?

Recca: "I love color pink, cotton candy ug Winnie the Pooh."

Yuri: Mahiligon usab sa sport nga basketball si Ate Recca. Mark Macapagal, Wesley Gonzales ug John Ferriols ang iyang mga crush nga basketball players.

Yuri: Kumusta man ang love life nimo Ate Recca?

Recca: "Career woman ko karon Yur, career lang gyud sa una, this is for my family and for my own growth sad. Mu-focus sa ko sa akong self karon."

Yuri: For that, loveless gyud si Ate Recca, iya gyud nang choice nga dili usa mag-uyab-uyab. Bisan pag naglinya ang mga good-looking guys.

Aside from her hosting career sa Oi, nagtrabaho usab siya sa Shell isip sales executive handling corporate accounts dire sa Visayas. Lingaw kaayo siya sa iyang work kay maka-byahe siya bisan asa for free!!!

Yuri: Mag-seryoso na sad ta. Unsa may mga plano nimo sa imong future? Kanus-a man ka ganahan maminyo?

Recca: "At the age of 27 I might consider to settle down, I think it is the right age to get married. Ganahan ko naa koy duha or tulo ka anak. Of course, ganahan sad ko nga tarong akong mabana, hahahahaha, kanang someone honest and responsible."

Yuri: As she turns 23, unsa sad kaha iyang birthday wish?

REECA: "Unta, consistent ang mga panghitabo sa akong kinabuhi."

Yuri: Mapasalamaton kaayo ang atong birthday girl sa mga panghitabo sa iyang career karon from Shell to GMA7 nagpasalamat siya sa trust and confidence nga gihatag nila kaniya.

Naila-ila na gyud nato ang Ate sa inyong Sunday barkada, usa ka beauty queen, cum laude, sales executive, host, ug labaw sa tanan, maayong anak ug higala. Passionate sa tanan niyang buhaton, mahigugmaon sa iyang pamilya. Daghan pang Oi! kada Domingo ang labaw nga masadya tungod kay kauban nato si Ate Recca Marie Menchavez.