Concert palasamat ni Maria Dona

Mapasigarbohong nipauli nga madaogon si Maria Donna, ang giilang "Cebu's Rising Diva" human niya nakuha ang prestihiyosong golden prize sa niaging New Singer Competition 2006 sa 9th Shanghai Asia Music Festival nga gisaulog didto gyud mismo sa Shanghai, China niadtong October 27-28.

Ang Shanghai Asia Music Festival usa ka tinuig nga prestihiyosong kompetisyon nga gisalmotan sa mga singers gikan sa lain-laing nasud. Karong tuiga, 25 ka mga contestants gikan Asia hangtod Europe ang nisalmot ug kini gilangkuban sa: China, Malta, Bulgaria, Korea, Hong Kong, Thailand, Macau, Singapore, Malaysia ug sa Pilipinas. Duha ka mga contestants ang gipadala sa matag nasud ug para sa Pilipinas, duha gyud sa atong mga paisano ang ningsalmot niini og kini sila si Maria Donna ug si Jimmy Marquez nga milangkat usab sa silver prize kauban ang usa pa ka singer nga gikan sa China. Unom ang major awards sa maong kumpetisyon, usa ang nakadaog sa gold, duha ang silver ug tulo ang bronze.

Giisa gayud ni Maria Donna ang garbo dili lang sa mga Sugbuanon kon dili sa tibook Pilipinas mahitungod sa pasidungog nga iyang nabaton kay siya karon maoy giila nga labing unang Pilipina nga nakadaog og gold prize sa maong bangga. Mahinumdoman nga ang maong kumpetisyon gisalmotan usab kaniadto sa mga Pinoy singers sama nila ni Rachelle Ann Go, Carol Banawa, Arriana ug Jeffrey Hidalgo; mga recording artists sa kaulohan apan pulos silver lang ang ilang nada-og. Matud pa sa voice coach niini nga, "we broke thpamilya hilabi na sa Makaako nga matud pa niya maoy nitabang kaniya ug ninghatag sa maong grasya. "Sa wala pako nakakuha'g award, ning-believe na sila nako...So I offer it to them..."

Sa maong salga, duha ka mga awit nga gigama sa banggiitang si Vehnee Saturno ang gikanta ni Maria Donna ug kini nag-ulohan og "Only When Our Hearts Unite" ug " Make Me Whole." Si Maria Donna maoy nag-pasikat sa mga awitong "Pastilan Bai," ug "You Made it Hape record, it's the first time that a country won gold and silver at the same time."

Kauban si Baste Balboa, general manager sa Sarua Recording Corp. diin duna siyay kontrata ug voice coach nga si Jay Unchuan gikan sa Center For Pop Music; ning-atubang si Maria Donna sa mga myembro sa medya sa iyang Victory Party nga gisaulog sa Casa Español niadtong miaging Martes sa gabii ug mipaambit sa tumang kalipay nga iyang gibati .

Matud pa niya ang garbo nga iyang nakuha iya gayud nga gihalad sa tanang tawo nga nipaluyo ug ningsuporta kaniya sama sa iyang producer sa Sarua Records nga si Rene Mercado ug sa iyang pen" diha sa kahanginan. Para sa iyang tibook performance nakabaton og 9.6160 nga score si Maria Donna nga gisundan sa taga-China sa dikit nga score nga 9.6110 ug ni Jimmy Marquez nga nakakuha og 9.4710.

Sa wala pa ang maong kumpetisyon, gibutyag nga tulo lamang ka semana nag-training si Maria Donna apan tungod sa iyang katakos sa pag-awit ug kamaayo sa iyang nahimong voice coach, nakab-ot gyud niya ang kalamposan nga nagpamatuod lang sa katakos sa mga Cebuano sa natad sa musika. Human sa natagamtamang kalamposan ug pasidungog, mopahigayon og mini concert si Maria Donna nga pagatambongan sa mga myembro sa medya, city council ug iyang mga suod nga higala gikan sa Sarua Records ug kini gikatakda usab nga pagatambongan nila ni Vehnee Saturno ug Nadine Roxas nga maoy gibantog nga "Voice of Asia" ug nahimong Shanghai Music Festival Grand Champion kaniadto og team leader sa delegasyon nila Maria Donna didto sa Shanghai. Kining mini concert nga gihisgutan maoy ilang paagi aron mapa-ambitan ang iyang talento ug agi usab og pasalamat sa iyang naangkon nga kadaugan.