Toni gilambigit sa break-up ni Alex ug Jeremy

Naglibog ang kampo ni Toni Gonzaga nganong nalambigit ang female TV host sa panagbuwag ni Jeremy Marquez ug Alessandra de Rossi ning bag-o lang.

Usa ka suod nga higala ni Toni ang mitin-aw ngadto sa PangMasa nga dili tinuod ang tsika nga ang dalaga maoy third party sa relasyon nila ni Jeremy ug Alessandra.

Kahinumduman nga sa dihang nagsugod pa lamang si Jeremy sa showbiz, gidungog nga nanguyab siya sa dalaga apan ang nahisgutan ra usab ang miklaro nga wala siya mopadayon sa iyang tinguha ngadto ni Toni.

"Hindi nga siya (Jeremy) pinansin ni Toni noon, ngayon pa kaya?" nagkanayon ang higala ni Toni.

Apan giangkon hinuon sa maong higala nga kugihan mopadala og e-mail si Jeremy ngadto ni Toni ug usahay maikod na ang dalaga busa mobawos usab siya. But never nga dunay nahitabo nga "ligawan" matud pa.

Nanghinaot ang maong higala nga matin-aw na ang isyu tungod dili gayud tinood nga si Toni ang rason sa break-up sa duruha. Hirit pa niya, sa kadaghan sa naglinya nga mga sikat ug guapo nga naninguha ni Toni sama nila Sam Milby, Piolo Pascual ug Luis Manzano, si Jeremy na ba lay daginuton ni Toni?

Maricel Morales maoy nagluib

Hingpit na nga giangkon ni Ace Espinosa nga ang iyang asawa nga si Maricel Morales maoy mibiya sa ilang pamilya. Gitug-an niya ngadto sa PangMasa nga si Maricel maoy dunay laing karelasyon ug ang nakaparat mao nga ibalandra pa kini sa babaye sa mga showbiz functions.

Tulo na katuig ang nakalabay human sila mag-buwag busa matud ni Ace panahon na nga masayran sa publiko ang tinood nga nahitabo.

Gitin-aw ni Ace nga wala siyay uyab ug wala siyay gipuli ni Maricel diha sa iyang dughan. Sum ap niya gihigugma pa gihapon niya ang babaye tungod kay mao kini ang inahan sa iyang duha ka mga anak.

Apan si Maricel dili na buot mokomentaryo pa tungod kay nag-file na siya og annulment case alang sa ilang kasal busa ang korte na matud pa niya maoy mahibaw sa tanan.

Perteng daghanang taga ABS

Nagbaha ang mga kanhi Kapamilya nga apil sa cast sa soap drama nga "Makita Ka Lang Muli" nga magsugod na karong Lunes sa hapon sa Drama Rama Sa Hapon sa GMA-7 isip hulip sa "Pinakamamahal" nila ni Oyo Boy Sotto ug Marian Rivera sa direksyon ni Bibeth Orteza nga mahuman na karong hapon.

Nasayran sa PangMasa nga lakip sa naggikan sa ABS-CBN mao sila ni Anna Roces ug Yul Servo nga bag-ohay lang milugwa sa Cally Lilly apan apil na usab sa maong soap drama nga production sa TAPE Inc.

Dugang pang mga taga ABS-CBN kanhi nga anaa usab sa nahisgutan nga soap mao sila si Roderick Paulate, Carlo Aquino, Cris Villanueva ug ang kanhi young star nga nahanaw daw bula nga si Janet McBride.

Ang mikompleto sa cast mao sila si Celia Rodriguez, JC de Vera, LJ Reyes, Andrea del Rosario. Si Tanya Garcia maoy modala sa papel nga batang Celia Rodriguez ug ang bata nga Roderick mao si Goyong.